Artikolu 20 2

(a)

tagħti parir lill-Kummissjoni dwar il-kriterji tekniċi ta’ skrinjar imsemmija fl-Artikolu 19, kif ukoll dwar il-ħtieġa possibbli li jiġu aġġornati dawk il-kriterji;

(b)

tanalizza l-impatt tal-kriterji tekniċi ta’ skrinjar f’termini ta’ kostijiet u benefiċċji potenzjali tal-applikazzjoni tagħhom;

(c)

tassisti lill-Kummissjoni fl-analiżi tat-talbiet minn partijiet ikkonċernati biex tiżviluppa jew tirrevedi kriterji tekniċi ta’ skrinjar għal attività ekonomika partikolari;

(d)

tagħti parir lill-Kummissjoni, fejn ikun xieraq, dwar ir-rwol possibbli ta’ standards ta’ kontabbiltà u ta’ rappurtar, fir-rigward tas-sostenibbiltà, b’appoġġ għall-applikazzjoni tal-kriterji tekniċi ta’ skrinjar;

(e)

timmonitorja u regolarment tirrapporta lill-Kummissjoni dwar xejriet fil-livell tal-Unjoni u fil-livell tal-Istati Membri rigward il-flussi ta’ kapital fl-investiment sostenibbli;

(f)

tagħti parir lill-Kummissjoni dwar il-ħtieġa possibbli li jiġu żviluppati aktar miżuri biex jitjiebu d-disponibbiltà u l-kwalità tad-data;

(g)

tagħti parir lill-Kummissjoni dwar l-użabbiltà tal-kriterji tekniċi ta’ skrinjar, b’kont meħud tal-ħtieġa li jkunu evitati piżijiet amministrattivi mhux meħtieġa;

(h)

tagħti parir lill-Kummissjoni dwar il-ħtieġa possibbli biex jiġi emendat dan ir-Regolament;

(i)

tagħti parir lill-Kummissjoni dwar l-evalwazzjoni u l-iżvilupp ta’ politiki ta’ finanzi sostenibbli, inkluż fir-rigward ta’ kwistjonijiet ta’ koerenza ta’ politika;

(j)

tagħti parir lill-Kummissjoni dwar l-indirizzar ta’ objettivi oħra ta’ sostenibbiltà, inklużi objettivi soċjali;

(k)

tagħti parir lill-Kummissjoni dwar l-applikazzjoni tal-Artikolu 18 u l-ħtieġa possibbli li jiġu supplimentati r-rekwiżiti tagħhom.