Artikolu 6 Valutazzjoni tal-progress li tkun għamlet l-Unjoni u tal-miżuri li din tkun ħadet

Sat-30 ta’ Settembru 2023, u kull ħames snin wara dik id-data, flimkien mal-valutazzjoni pprovduta fl-Artikolu 29(5) tar-Regolament (UE) 2018/1999, il-Kummissjoni għandha tivvaluta l-affarijiet li ġejjin:

Il-Kummissjoni għandha tibgħat il-konklużjonijiet ta’ dik il-valutazzjoni lill-Parlament Ewropew u lill-Kunsill flimkien mar-rapport dwar l-Istat tal-Unjoni tal-Enerġija li tkun ħejjiet fis-sena kalendarja rispettiva skont l-Artikolu 35 tar-Regolament (UE) 2018/1999.

Sat-30 ta’ Settembru 2023, u kull ħames snin wara dik id-data, il-Kummissjoni għandha tirrieżamina:

Meta, abbażi tal-valutazzjonijiet imsemmija fil-paragrafi 1 u 2 ta’ dan l-Artikolu, il-Kummissjoni ssib li l-miżuri tal-Unjoni ma jkunux konsistenti mal-objettiv tan-newtralità klimatika stabbilit fl-Artikolu 2(1) jew ma jkunux konsistenti mal-iżgurar ta’ progress b’rabta mal-adattament kif imsemmi fl-Artikolu 5, jew li l-progress li jkun qed isir biex jintlaħaq dak l-objettiv tan-newtralità klimatika jew b’rabta mal-adattament kif imsemmi fl-Artikolu 5 ma jkunx biżżejjed, hija għandha tieħu l-miżuri meħtieġa skont it-Trattati.

Il-Kummissjoni għandha tivvaluta l-konsistenza ta’ kwalunkwe abbozz ta’ miżura jew proposta leġiżlattiva, inklużi l-proposti baġitarji, mal-objettiv tan-newtralità klimatika stabbilit fl-Artikolu 2(1) u l-miri klimatiċi tal-Unjoni għall-2030 u l-2040 qabel ma dawn jiġu adottati, u għandha tinkludi dik il-valutazzjoni fi kwalunkwe valutazzjoni tal-impatt li takkumpanja dawn il-miżuri jew dawn il-proposti, u tagħmel ir-riżultati ta’ dik il-valutazzjoni disponibbli pubblikament meta dawn jiġu adottati. Il-Kummissjoni għandha tivvaluta wkoll jekk dawk l-abbozzi ta’ miżuri jew proposti leġiżlattivi, inklużi l-proposti baġitarji, humiex konsistenti mal-iżgurar ta’ progress b’rabta mal-adattament kif imsemmi fl-Artikolu 5. Meta tagħmel l-abbozzi ta’ miżuri u l-proposti leġiżlattivi tagħha, il-Kummissjoni għandha tagħmel ħilitha biex tallinjahom mal-objettivi ta’ dan ir-Regolament. Fi kwalunkwe każ ta’ nonallinjament, il-Kummissjoni għandha tipprovdi r-raġunijiet bħala parti mill-valutazzjoni tal-konsistenza msemmija f’dan il-paragrafu.