Artikolu 8 Rekwiżiti ġenerali għar-rapportar imsaħħaħ

1.   L-aġenti li jirrapportaw u l-friegħi barranin tagħhom li mhumiex residenti fi Stat Membru li jirrapporta għandhom jistabbilixxu l-istruttura organizzattiva meħtieġa u l-mekkaniżmi ta' kontroll interni xierqa biex jiżguraw li d-dejta li għandha tiġi rrapportata fuq bażi individwali taħt dan ir-Regolament, skont l-Artikolu 6, tiġi pproċessata u mibgħuta debitament.

2.   Friegħi barranin li mhumiex residenti fi Stat Membru li jirrapporta mhumiex aġenti li jirrapportaw taħt dan ir-Regolament. L-aġenti li jirrapportaw għandhom jiżguraw li dawn il-friegħi barranin jimplimentaw arranġamenti, proċessi u mekkaniżmi biex jiżguraw l-implimentazzjoni xierqa tar-rekwiżiti ta' rapportar fuq bażi individwali.

3.   Ir-rekwiżiti ta' rapportar statistiku skont dan ir-Regolament huma mingħajr preġudizzju għal kull rekwiżit ieħor tar-rapportar attwali jew fil-futur fir-rigward ta' dejta dwar il-kreditu skont id-dritt nazzjonali jew oqfsa ta' rapportar oħrajn.

4.   Il-BĊNi jistgħu jiġbru l-informazzjoni li għandha tiġi trażmessa lill-BĊE bħala parti mill-qafas ta' rapportar nazzjonali iktar wiesa' li jikkonforma mad-dritt tal-Unjoni jew dak nazzjonali rilevanti. Dawn l-oqfsa ta' rapportar usa' jistgħu jinkludu informazzjoni li sservi għanijiet oħrajn minbarra finijiet statistiċi, bħall-bżonnijiet superviżorji.

5.   Il-BĊNi jistgħu jiksbu dejta tal-kreditu minn sorsi oħrajn.

6.   Ir-rekwiżiti minimi għal armonizzazzjoni, kompletezza, livell ta' dettall u identifikazzjoni tal-kontropartijiet tad-dejta tal-kreditu huma stabbiliti fil-mudelli fl-Anness I.