Artikolu 14 Standards minimi u arranġamenti ta' rapportar nazzjonali

1.   L-aġenti li jirrapportaw għandhom jikkonformaw mar-rekwiżiti tar-rapportar statistiku li għalihom huma suġġetti b'konformità mal-istandards minimi komuni għat-trażmissjoni, il-preċiżjoni, l-identifikazzjoni preċiża tal-kontropartijiet u l-konformità mal-kunċetti u r-reviżjonijiet kif speċifikat fl-Anness V.

2.   Il-BĊNi għandhom jiddefinixxu u jimplimentaw l-arranġamenti tar-rapportar li għandhom jiġu segwiti mill-aġenti li jirrapportaw skont dan ir-Regolament u mal-oqfsa legali nazzjonali tagħhom sa fejn ma jikkonfliġġux mad-dispożizzjonijiet ta' dan ir-Regolament. Il-BĊNi għandhom jiżguraw li dawn l-arranġamenti ta' rapportar: (a) jipprovdu l-informazzjoni statistika meħtieġa; u (b) jippermettu verifika tal-fatt li ġew issodisfatti l-istandards minimi għat-trażmissjoni, il-preċiżjoni, il-konformità mal-kunċetti u r-reviżjonijiet speċifikati fl-Anness V.

3.   Il-BĊNi jistgħu jużaw informazzjoni miksuba minn kwalunkwe sors ieħor, skont l-Artikolu 8(5), għat-trażmissjoni tad-dejta tal-kreditu tagħhom lill-BĊN, sa fejn dik l-informazzjoni tissodisfa l-istandards ta' kwalità u tempestività li japplikaw għal dan ir-Regolament għal dejta miġbura minn aġenti li jirrapportaw. B'mod partikolari, għandhom jiġu ssodisfatti l-istandards minimi għat-trażmissjoni, preċiżjoni, konformità mal-kunċetti u reviżjonijiet speċifikati fl-Anness V.