+Artikolu 5e Ksur ta’ sigurtà tal-Kartieri Ewropej tal-Identità Diġitali
---+Artikolu 5e 1.
---+Artikolu 5e 2.
---+Artikolu 5e 3.
---+Artikolu 5e 4.
---+Artikolu 5e 5.

Artikolu 5e Ksur ta’ sigurtà tal-Kartieri Ewropej tal-Identità Diġitali

1. Ħarsa ġenerali

,
Artikolu 5e 1.
Meta l-Kartieri Ewropej tal-Identità Diġitali fornuti skont l-Artikolu 5a, il-mekkaniżmi ta’ validazzjoni msemmija fl-Artikolu 5a(8), jew l-iskema ta’ identifikazzjoni elettronika li skontha jiġu fornuti l-Kartieri Ewropej tal-Identità Diġitali jinkisru jew jiġu parzjalment kompromessi b’mod li jaffettwa l-affidabbiltà tagħhom jew l-affidabbiltà ta’ Kartieri Ewropej tal-Identità Diġitali oħra, l-Istat Membru li jkun forna l-Kartieri Ewropej tal-Identità Diġitali għandu, mingħajr dewmien żejjed, jissospendi l-forniment u l-użu tal-Kartieri Ewropej tal-Identità Diġitali.

Meta jkun ġustifikat mill-gravità tal-ksur tas-sigurtà jew tal-kompromess imsemmi fl-ewwel subparagrafu, l-Istat Membru għandu jirtira l-Kartieri Ewropej tal-Identità Diġitali mingħajr dewmien żejjed.

L-Istat Membru għandu jinforma lill-utenti affettwati, lill-punti uniċi ta’ kuntatt maħtura skont l-Artikolu 46c(1), lill-partijiet dipendenti u lill-Kummissjoni kif meħtieġ.
Artikolu 5e 2.
Jekk il-ksur tas-sigurtà jew il-kompromess imsemmi fil-paragrafu 1, l-ewwel subparagrafu, ta’ dan l-Artikolu ma jiġix rimedjat fi żmien tliet xhur mis-sospensjoni, l-Istat Membru li jkun forna l-Kartieri Ewropej tal-Identità Diġitali għandu jirtira l-Kartieri Ewropej tal-Identità Diġitali u jirrevoka l-validità tagħhom. L-Istat Membru għandu jinforma lill-utenti affettwati, lill-punti uniċi ta’ kuntatt maħtura skont l-Artikolu 46c(1), lill-partijiet dipendenti u lill-Kummissjoni bl-irtirar kif meħtieġ.
Artikolu 5e 3.
Meta jinstab rimedju għall-ksur tas-sigurtà jew il-kompromess imsemmi fil-paragrafu 1, l-ewwel subparagrafu, ta’ dan l-Artikolu, l-Istat Membru tal-forniment għandu jerġa’ jistabbilixxi l-forniment u l-użu tal-Kartieri Ewropej tal-Identità Diġitali u jinforma lill-utenti milquta u lill-partijiet dipendenti, lill-punti uniċi ta’ kuntatt maħtura skont l-Artikolu 46c(1) u lill-Kummissjoni mingħajr dewmien żejjed.
Artikolu 5e 4.
Il-Kummissjoni għandha tippubblika f’Il-Ġurnal Uffiċjali tal-Unjoni Ewropea l-emendi korrispondenti fil-lista msemmija fl-Artikolu 5d mingħajr dewmien żejjed.
Artikolu 5e 5.
Sal-21 ta’ Novembru 2024, il-Kummissjoni għandha, permezz ta’ atti ta’ implimentazzjoni, tistabbilixxi lista tal-standards ta’ referenza u, fejn neċessarju, tistabbilixxi speċifikazzjonijiet u proċeduri għall-miżuri msemmija fil-paragrafu 1, 2 u 3 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 48(2).

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 18.10.2024 00:00:00 -Doknr: CELEX:32014R0910
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.