Artikolu 13 Informazzjoni dwar il-wasla tar-rapporti u s-segwitu tagħhom

il-kondizzjonijiet ta’ kwalifika għal protezzjoni taħt din id-Direttiva;

id-dettalji ta’ kuntatt għall-kanali ta’ rapportar esterni kif previst fl-Artikolu 12, b’mod partikolari l-indirizzi elettroniċi u postali, u n-numri tat-telefon għal tali kanali, filwaqt li jiġi indikat jekk il-konverżazzjonijiet telefoniċi humiex irrekordjati;

il-proċeduri applikabbli għar-rapportar ta’ ksur, inkluż il-mod li bih l-awtorità kompetenti tista’ titlob lill-persuna li tirrapporta biex tiċċara l-informazzjoni rrapportata jew biex tipprovdi informazzjoni addizzjonali, l-iskeda ta’ żmien għall-għoti ta’ rispons u t-tip u l-kontenut ta’ tali rispons;

ir-reġim ta’ kunfidenzjalità applikabbli għar-rapporti, u b’mod partikolari l-informazzjoni relatata mal-ipproċessar ta’ data personali f’konformità mal-Artikolu 17 ta’ din id-Direttiva, l-Artikoli 5 u 13 tar-Regolament (UE) 2016/679, l-Artikolu 13 tad-Direttiva (UE) 2016/680 u l-Artikolu 15 tar-Regolament (UE) 2018/1725, kif applikabbli;

in-natura tas-segwitu li għandu jingħata lir-rapporti;

ir-rimedji u l-proċeduri għall-protezzjoni kontra r-ritaljazzjoni u d-disponibbiltà ta’ parir kunfidenzjali lill-persuni li qed jikkontemplaw li jirrapportaw;

dikjarazzjoni li tispjega b’mod ċar il-kondizzjonijiet li skonthom persuni li jirrapportaw lill-awtorità kompetenti jkunu protetti milli jġarrbu responsabbiltà għal ksur ta’ kunfidenzjalità skont l-Artikolu 21(2); u

dettalji ta’ kuntatt taċ-ċentru ta’ informazzjoni jew tal-awtorità amministrattiva indipendenti unika kif previst fl-Artikolu 20(3) fejn applikabbli.