Artikolu 4 Involviment ta' awtoritajiet kompetenti oħra u awtoritajiet kompetenti ta' pajjiżi terzi fil-proċess tal-valutazzjoni tar-riskju tal-grupp

1.   Is-superviżur konsolidant jista' jiddeċiedi li jinvolvi awtoritajiet kompetenti oħra u awtoritajiet kompetenti ta' pajjiżi terzi fil-produzzjoni tar-rapport tal-valutazzjoni tar-riskju tal-grupp jew ir-rapport tal-valutazzjoni tar-riskju tal-likwidità tal-grupp. Dawn id-deċiżjonijiet huma bbażati fuq ir-rilevanza tal-fergħa jew l-istituzzjoni fil-grupp u l-importanza tagħha għas-suq lokali.

Dan l-involviment ikun soġġett għar-rekwiżiti ta' kunfidenzjalità ekwivalenti għal dawk tat-Taqsima II tal-Kapitolu 1 tat-Titolu VII tad-Direttiva 2013/36/UE u, fejn applikabbli, l-Artikoli 54 u 58 tad-Direttiva 2004/39/KE tal-Parlament Ewropew u tal-Kunsill (4).

L-ekwivalenza tiġi vvalutata mis-superviżur konsolidant u l-awtoritajiet kompetenti rilevanti kollha.

2.   Fejn is-superviżur konsolidant jiddeċiedi li jinvolvi awtorità kompetenti oħra kif definit fl-Artikolu 2(2) jew awtorità kompetenti ta' pajjiż terz, iż-żewġ awtoritajiet jilħqu ftehim dwar l-ambitu ta' involviment tal-awtorità kompetenti l-oħra jew l-awtorità kompetenti tal-pajjiż terz. Dawn il-ftehimiet huma permessi għall-finijiet li ġejjin:

3.   Fejn is-superviżur konsolidant jiddeċiedi li jinvolvi awtoritajiet kompetenti oħra jew awtoritajiet kompetenti ta' pajjiżi terzi, is-superviżur konsolidant ma jipprovdix l-abbozz tar-rapporti finali tal-valutazzjoni tar-riskju tal-grupp u r-rapporti tal-valutazzjoni tar-riskju tal-likwidità tal-grupp lill-awtoritajiet kompetenti l-oħra u l-awtoritajiet kompetenti ta' pajjiżi terzi mingħajr kunsens mingħand l-awtoritajiet kompetenti rilevanti kollha.

4.   Is-superviżur konsolidant iżomm lill-awtoritajiet kompetenti rilevanti infurmati b'mod sħiħ dwar l-ambitu, il-livell u n-natura tal-involviment ta' awtoritajiet kompetenti oħra u awtoritajiet kompetenti ta' pajjiżi terzi fil-proċess tal-valutazzjoni tar-riskju tal-grupp u sa liema punt ir-rapport tal-valutazzjoni tar-riskju tal-grupp ibbenefika mill-kontribuzzjonijiet tagħhom.