Artikolu 6 Tħejjija tal-abbozz tar-rapport ta' valutazzjoni tar-riskju tal-grupp u l-abbozz tar-rapport ta' valutazzjoni tar-riskju tal-likwidità tal-grupp

1.   Is-superviżur konsolidant iħejji abbozz tar-rapport tal-valutazzjoni tar-riskju tal-grupp u abbozz tar-rapport tal-valutazzjoni tar-riskju tal-likwidità tal-grupp ibbażati fuq kull waħda minn dawn li ġejjin:

2.   Ir-rapporti SREP u r-rapporti tal-valutazzjoni tar-riskju tal-likwidità msemmija fil-punti (a) u (b) tal-paragrafu 1 flimkien mal-kontribuzzjonijiet imsemmija fil-punt (c) ta' dan il-paragrafu jiżdiedu bħala annessi mal-abbozz tar-rapport tal-valutazzjoni tar-riskju tal-grupp jew l-abbozz tar-rapport tal-valutazzjoni tar-riskju tal-likwidità tal-grupp.

3.   L-abbozz tar-rapport ta' valutazzjoni tar-riskju tal-grupp u l-abbozz tar-rapport ta' valutazzjoni tar-riskju tal-likwidità tal-grupp jinkludu r-riżultati tal-valutazzjoni ta' jekk l-arranġamenti, l-istrateġiji, il-proċessi u l-mekkaniżmi implimentati mill-grupp u l-istituzzjonijiet tiegħu u l-fondi proprji u l-likwidità miżmuma minnhom jiżgurawx ġestjoni xierqa u kopertura tar-riskji tagħhom.

4.   L-abbozz tar-rapport tal-valutazzjoni tar-riskju tal-grupp jitħejja billi jintuża l-mudell fl-Anness III. Dan ir-rapport jiġi ssupplimentat b'taqsiriet tar-riżultati skont it-Tabella 1 tal-Anness IV u t-taqsira tal-valutazzjoni tal-adegwatezza kapitali skont it-Tabella 2 tal-Anness IV.

L-abbozz tar-rapport tal-valutazzjoni tar-riskju tal-grupp jitħejja billi jintuża l-mudell fl-Anness III. Dan ir-rapport jiġi ssupplimentat b'taqsiriet tar-riżultati skont it-Tabella 1 tal-Anness VIII u t-taqsira tal-valutazzjoni tal-likwidità skont it-Tabella 2 tal-Anness VIII.

5.   F'konformità mal-prinċipju ta' proporzjonalità, is-superviżur konsolidant jiżgura dan kollu li ġej:

6.   Is-superviżur konsolidant jipprovdi l-abbozz tar-rapporti lill-awtoritajiet kompetenti rilevanti fil-ħin u f'kull każ sal-limitu ta' żmien speċifikat fl-iskeda tad-deċiżjonijiet konġunti skont il-punt (c) tal-Artikolu 3(2).

7.   Soġġett għall-ftehim imsemmi fl-Artikolu 4(3), is-superviżur konsolidant jista' jipprovdi r-rapport tal-valutazzjoni tar-riskju tal-grupp u r-rapport tal-valutazzjoni tar-riskju tal-likwidità tal-grupp lill-awtoritajiet kompetenti l-oħra u lill-awtoritajiet kompetenti ta' pajjiżi terzi.