Artikolu 17 Abbozzar tad-deċiżjonijiet dwar il-likwidità li jittieħdu fin-nuqqas ta' deċiżjoni konġunta

(a)

l-isem tas-superviżur konsolidant jew l-awtoritajiet kompetenti rilevanti li jieħdu d-deċiżjoni dwar il-likwidità;

(b)

l-isem tal-grupp ta' istituzzjonijiet jew l-istituzzjoni tal-grupp li d-deċiżjoni dwar il-likwidità hija marbuta magħhom u tapplika għalihom;

(c)

ir-referenzi għal-liġi tal-Unjoni u dik nazzjonali applikabbli relatati mat-tħejjija, il-finalizzazzjoni u l-applikazzjoni tad-deċiżjonijiet dwar il-likwidità;

(d)

id-data tad-deċiżjoni dwar il-likwidità;

(e)

għad-deċiżjonijiet dwar il-likwidità meħuda fuq bażi konsolidata; il-konklużjoni dwar l-adegwatezza tal-likwidità għall-grupp ta' istituzzjonijiet f'livell konsolidat;

(f)

għad-deċiżjonijiet dwar il-likwidità meħuda fuq bażi individwali, il-konklużjoni dwar l-adegwatezza tal-likwidità għall-istituzzjoni rilevanti f'livell individwali;

(g)

għad-deċiżjonijiet dwar il-likwidità meħuda fuq bażi konsolidata, il-konklużjoni dwar il-miżuri li ttieħdu biex jiġu indirizzati xi kwistjonijiet sinifikanti u sejbiet materjali marbuta mas-superviżjoni tal-likwidità inkluż l-adegwatezza tal-organizzazzjoni u t-trattament tar-riskji kif meħtieġ skont l-Artikolu 86 tad-Direttiva 2013/36/UE u li jirrigwardaw il-ħtieġa għal rekwiżiti ta' likwidità speċifiċi skont l-Artikolu 105 ta' din id-Direttiva għall-grupp f'livell konsolidat;

(h)

għad-deċiżjonijiet dwar il-likwidità meħuda fuq bażi individwali, il-konklużjoni dwar il-miżuri li ttieħdu biex jiġu indirizzati xi kwistjonijiet sinifikanti u sejbiet materjali marbuta mas-superviżjoni tal-likwidità inkluż l-adegwatezza tal-organizzazzjoni u t-trattament tar-riskji kif meħtieġ skont l-Artikolu 86 tad-Direttiva 2013/36/UE u li jirrigwardaw il-ħtieġa għal rekwiżiti ta' likwidità speċifiċi għall-istituzzjoni rilevanti f'livell individwali skont l-Artikolu 105 ta' din id-Direttiva;

(i)

id-data ta' referenza li magħha huma relatati l-konklużjonijiet imsemmija fil-punti (e) sa (h);

(j)

informazzjoni dwar xi rekwiżiti prudenzjali rilevanti jew makroprudenzjali oħra, linji gwida, rakkomandazzjonijiet u twissijiet;

(k)

deskrizzjoni ta' kif il-valutazzjoni tar-riskju, il-fehmiet u r-riżervi espressi mill-awtoritajiet kompetenti rilevanti jew mis-superviżur konsolidant ġew ikkunsidrati, kif applikabbli;

(l)

l-iskeda ta' żmien għall-implimentazzjoni tal-konklużjonijiet fil-punti (g) sa (h), fejn applikabbli.