Artikolu 50 5e.

Meta l-awtoritajiet kompetenti tal-Istat Membru ta’ domiċilju tal-AIFM ma jaġixxux f’konformità mal-opinjoni tal-AETS msemmija fil-paragrafu 5d, jew ma jkollhomx l-intenzjoni li jikkonformaw ma’ dik l-opinjoni, huma għandhom jinfurmaw lill-AETS u lill-awtoritajiet kompetenti tal-Istat Membru ospitanti tal-AIFM dwar dan, filwaqt li jiddikjaraw ir-raġunijiet għan-nuqqas ta’ konformità tagħhom jew għall-intenzjoni li ma jikkonformawx. Fil-każ ta’ theddida serja għall-protezzjoni tal-investitur, għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja sħiħa jew parti minnha fl-Unjoni, u sakemm tali pubblikazzjoni ma tkunx f’kunflitt mal-interessi leġittimi tat-titolari tal-unitajiet jew tal-azzjonisti tal-AIF jew tal-pubbliku, l-AETS tista’ tippubblika l-fatt li l-awtoritajiet kompetenti tal-Istat Membru ta’ domiċilju tal-AIFM ma jikkonformawx jew mhumiex biħsiebhom jikkonformaw mal-opinjoni tagħha, flimkien mar-raġunijiet provduti minn dawk l-awtoritajiet kompetenti għan-nuqqas ta’ konformità tagħhom jew l-intenzjoni li ma jikkonformawx. L-AETS għandha tanalizza jekk il-benefiċċji tal-pubblikazzjoni jegħlbux l-amplifikazzjoni tat-theddid għall-protezzjoni tal-investitur, għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja sħiħa jew parti minnha fl-Unjoni li tirriżulta minn dik il-pubblikazzjoni u għandha tagħti lill-awtoritajiet kompetenti tal-Istat Membru ta’ domiċilju tal-AIFM preavviż ta’ pubblikazzjoni ta’ dan it-tip.