1. Din id-Direttiva tistabbilixxi r-regoli u l-proċeduri marbuta mal-irkupru u r-riżoluzzjoni, tal-entitajiet segwenti:
|
(a)
|
impriżi tal-assigurazzjoni u tar-riassigurazzjoni li huma stabbiliti fl-Unjoni u li jaqgħu fil-kamp ta' applikazzjoni tal-Artikolu 2 tad-Direttiva 2009/138/KE;
|
|
(b)
|
kumpaniji prinċipali tal-assigurazzjoni u tar-riassigurazzjoni stabbiliti fl-Unjoni;
|
|
(c)
|
kumpaniji holding tal-assigurazzjoni u kumpaniji holding finanzjarji mħalltin li huma stabbiliti fl-Unjoni;
|
|
(d)
|
kumpaniji holding prinċipali tal-assigurazzjoni fi Stat Membru u kumpaniji holding finanzjarji mħalltin prinċipali fi Stat Membru;
|
|
(e)
|
kumpaniji holding prinċipali tal-assigurazzjoni tal-Unjoni u kumpaniji holding finanzjarji mħalltin prinċipali tal-Unjoni;
|
|
(f)
|
fergħat ta' impriżi tal-assigurazzjoni u tar-riassigurazzjoni li huma stabbiliti f’pajjiż terz u li jissodisfaw il-kundizzjonijiet stabbiliti fl-Artikoli 75 sa 80.
|
Din id-Direttiva tistabbilixxi wkoll regoli u proċeduri relatati mal-fornituri ta' servizzi essenzjali meta l-impriża tal-assigurazzjoni jew tar-riassigurazzjoni rilevanti tidħol f'riżoluzzjoni.
Meta jistabbilixxu u japplikaw ir-rekwiżiti stabbiliti f'din id-Direttiva u meta japplikaw l-għodod differenti għad-dispożizzjoni tagħhom fir-rigward ta' entità msemmija fl-ewwel jew it-tieni subparagrafu, l-awtoritajiet ta' riżoluzzjoni u l-awtoritajiet superviżorji għandhom iqisu n-natura tan-negozju ta' dik l-entità, l-istruttura tal-parteċipazzjoni azzjonarja, il-forma ġuridika, il-profil tar-riskju, id-daqs, l-istatus legali u l-interkonnettività ma' istituzzjonijiet oħrajn jew mas-sistema finanzjarja b'mod ġenerali, u l-ambitu u l-kumplessità tal-attivitajiet tal-entità.