3. Meta awtorità ta' riżoluzzjoni tnaqqas għal żero l-ammont ta' kapital jew l-ammont pendenti pagabbli fir-rigward ta' obbligazzjoni permezz tas-setgħa msemmija fl-Artikolu 42(1), il-punt (g), dik l-obbligazzjoni u kwalunkwe obbligu jew klejm li jirriżultaw fir-rigward tagħha li ma humiex dovuti fil-mument meta tiġi eżerċitata s-setgħa għandhom jiġu ttrattati bħala mħallsin għalkollox, u ma għandhomx ikunu jistgħu jiġu pprovati fi kwalunkwe proċediment sussegwenti fir-rigward tal-impriża taħt riżoluzzjoni jew ta' kwalunkwe entità suċċessur fi kwalunkwe stralċ sussegwenti.