Artikolu 43 1

(a)

soġġetti għall-Artikolu 60, jipprevedu li jseħħ it-trasferiment rilevanti, ħieles minn kwalunkwe obbligazzjoni jew tfixkil li jaffettwa l-istrumenti finanzjarji, id-drittijiet, l-assi jew l-obbligazzjonijiet ittrasferiti;

(b)

ineħħu d-drittijiet għall-akkwist ta' kwalunkwe sehem jew strument ta' sjieda ieħor addizzjonali;

(c)

jesiġu li l-awtorità kkonċernata twaqqaf jew tissospendi l-ammissjoni għall-kummerċ f'suq regolat jew l-elenkar uffiċjali ta' strumenti finanzjarji skont id-Direttiva 2001/34/KE tal-Parlament Ewropew u tal-Kunsill (22);

(d)

jipprevedu li r-riċevitur jiġi ttrattat daqslikieku dak ir-riċevitur kien l-impriża taħt riżoluzzjoni għall-finijiet ta' kwalunkwe dritt jew obbligu ta', jew azzjonijiet meħudin mill-impriża taħt riżoluzzjoni, inkluż, soġġett għall-applikazzjoni tal-għodda ta' bejgħ ta' negozju u tal-għodda ta' impriża tranżitorja msemmija fl-Artikoli 31 u 32, kwalunkwe dritt jew obbligu relatat mal-parteċipazzjoni f'infrastruttura tas-suq;

(e)

jeħtieġu lill-impriża taħt riżoluzzjoni jew lir-riċevitur jipprovdu informazzjoni u assistenza lil xulxin;

(f)

jikkanċellaw jew jimmodifikaw it-termini ta' kuntratt li għalih l-impriża taħt riżoluzzjoni tkun parti jew jissostitwixxu riċevitur bħala parti;

(g)

jittrasferixxu kwalunkwe dritt ta' riassigurazzjoni li jkopri l-klejms lill-assigurazzjoni jew tar-riassigurazzjoni ttrasferiti mingħajr il-kunsens tal-impriża tar-riassigurazzjoni fejn l-awtorità ta' riżoluzzjoni tittrasferixxi l-assi u l-obbligazzjonijiet marbuta ma' dawk id-drittijiet ta' riassigurazzjoni tal-impriża taħt riżoluzzjoni sħiħa jew parzjalment lil entità oħra.