Artikolu 67 Approvazzjoni ġudizzjarja ex ante u drittijiet li jiġu kkontestati d-deċiżjonijiet

1.   L-Istati Membri jistgħu jesiġu li deċiżjoni li tittieħed miżura ta' prevenzjoni ta' kriżijiet jew miżura għall-ġestjoni ta' kriżijiet tkun soġġetta għal approvazzjoni ġudizzjarja ex ante, dment li fir-rigward tad-deċiżjoni li tittieħed miżura ta' maniġġar ta' kriżijiet, f'konformità mal-liġi nazzjonali, il-proċedura relatata mal-applikazzjoni għal approvazzjoni u għal kunsiderazzjoni mill-qorti tkun rapida.

2.   L-Istati Membri għandhom jistipulaw fil-liġi nazzjonali dritt ta' appell kontra deċiżjoni sabiex tittieħed miżura ta' prevenzjoni ta' kriżijiet jew deċiżjoni sabiex tiġi eżerċitata kwalunkwe setgħa, għajr miżura għall-ġestjoni ta' kriżijiet, skont din id-Direttiva.

3.   L-Istati Membri għandhom jiżguraw li l-persuni kollha affettwati minn deċiżjoni li tittieħed miżura għall-ġestjoni ta' kriżijiet ikollhom id-dritt li jappellaw dik id-deċiżjoni.

L-Istati Membri għandhom jiżguraw li r-rieżami ta' miżura għall-ġestjoni ta' kriżijiet isir rapidament u li l-qrati nazzjonali jużaw il-valutazzjonijiet ekonomiċi tal-fatti mwettqin mill-awtorità ta' riżoluzzjoni bħala bażi għall-valutazzjoni tagħhom stess.

4.   Id-dritt ta' appell imsemmi fil-paragrafu 3 għandu jkun soġġett għar-rekwiżiti li ġejjin:

Fejn jeħtieġ li jiġu protetti l-interessi ta' partijiet terzi li jaġixxu in bona fide li akkwistaw ishma, strumenti oħra ta' sjieda, jew assi, drittijiet jew obbligazzjonijiet ta' impriża taħt riżoluzzjoni permezz tal-użu ta' għodod ta' riżoluzzjoni jew l-eżerċizzju tas-setgħat ta' riżoluzzjoni minn awtorità ta' riżoluzzjoni, l-annullament ta' deċiżjoni ta' awtorità ta' riżoluzzjoni ma għandux jaffettwa kwalunkwe att amministrattiv sussegwenti jew tranżazzjoni amministrattiva sussegwenti konkluża mill-awtorità ta' riżoluzzjoni kkonċernata li kienu bbażati fuq id-deċiżjoni annullata. F'dak il-każ, ir-rimedji għal deċiżjoni jew għal azzjoni inġusta mill-awtoritajiet ta' riżoluzzjoni għandhom ikunu limitati għal kumpens għat-telf imġarrab mill-applikant bħala riżultat tad-deċiżjoni jew tal-att annullat.