Artikolu 84 Kriterji għall-valutazzjoni tar-regolamentazzjoni u s-superviżjoni prudenzjali applikabbli għal depożitarju f’pajjiż terz

id-depożitarju huwa soġġett għal awtorizzazzjoni u superviżjoni kontinwi minn awtorità pubblika kompetenti li għandha riżorsi adegwati biex twettaq il-kompiti tagħha;

il-liġi tal-pajjiż terz tistabbilixxi kriterji għall-awtorizzazzjoni ta’ depożitarju li jkollhom l-istess effett bħal dawk stabbiliti għal aċċess għan-negozju ta’ istituzzjonijiet ta’ kreditu jew ditti tal-investiment fl-Unjoni;

ir-rekwiżiti kapitali imposti fuq id-depożitarju fil-pajjiż terz ikollhom l-istess effett bħal dawk applikabbli fl-Unjoni, skont jekk id-depożitarju huwiex tal-istess natura bħal istituzzjoni ta’ kreditu jew ditta tal-investiment fl-Unjoni;

il-kundizzjonijiet operazzjonali applikabbli għal depożitarju fil-pajjiż terz ikollhom l-istess effett bħal dawk stabbiliti għal istituzzjonijiet ta’ kreditu jew ditti tal-investiment fl-Unjoni, skont in-natura tad-depożitarju;

ir-rekwiżiti fir-rigward tat-twettiq tad-dmirijiet speċifiċi ta’ depożitarju tal-AIF stabbiliti fil-liġi tal-pajjiż terz ikollhom l-istess effett bħal dawk previsti fl-Artikoli 21(7) sa (15) tad-Direttiva 2011/61/UE u l-miżuri implimentattivi tiegħu u l-liġi nazzjonali rilevanti;

il-liġi tal-pajjiż terz tipprovdi għall-applikazzjoni ta’ azzjonijiet ta’ infurzar dissważivi biżżejjed fil-każ ta’ ksur mid-depożitarju tar-rekwiżiti u l-kundizzjonijiet imsemmija fil-punti (a) sa (e).