ANNESS I

Ir-riċezzjoni u t-trażmissjoni tal-ordnijiet b’rabta ma’ strument jew strumenti finanzjarji;

L-eżekuzzjoni ta’ ordnijiet f’isem il-klijenti;

►C4  Negozjar akkont proprju ◄ ;

Il-ġestjoni ta’ portafolli;

Il-konsulenza dwar investimenti;

Is-sottoskrizzjoni ta’ strumenti finanzjarji u/jew it-tqegħid ta’ strumenti finanzjarji fuq bażi ta’ impenn sod;

It-tqegħid ta’ strumenti finanzjarji mingħajr bażi ta’ impenn sod;

It-tħaddim ta’ MTF;

It-tħaddim ta’ OTF.

Il-ħarsien u l-amministrazzjoni ta’ strumenti finanzjarji għall-kont tal-klijenti, inklużi l-kustodja u servizzi relatati bħall-ġestjoni ta’ flus fil-pront/kollaterali u esklużi l-forniment u ż-żamma tal-kontijiet ta’ titoli fl-ogħla livell (“servizz ta’ manutenzjoni ċentrali”) imsemmija fil-punt (2) tat-Taqsima A tal-Anness għar-Regolament (UE) Nru 909/2014 ( *1 );

L-għoti ta’ kreditu jew self lil investitur sabiex ikun jista’ jwettaq tranżazzjoni fi strument jew strumenti finanzjarji, meta d-ditta li tikkonċedi l-kreditu jew is-self tkun involuta fit-tranżazzjoni;

Il-konsulenza lill-impriżi dwar l-istruttura tal-kapital, l-istrateġija industrijali u materji relatati u l-konsulenza u s-servizzi li għandhom x’jaqsmu mal-fużjonijiet u x-xiri ta’ impriżi;

Is-servizzi ta’ kambju meta dawn ikunu marbutin mal-forniment ta’ servizzi ta’ investiment;

Ir-riċerka dwar l-investiment u l-analiżi finanzjarja jew għamliet oħra ta’ rakkomandazzjonijiet ġenerali li għandhom x’jaqsmu mat-tranżazzjonijiet fi strumenti finanzjarji;

Is-servizzi li għandhom x’jaqsmu mas-sottoskrizzjoni;

Is-servizzi u l-attivitajiet ta’ investiment kif ukoll is-servizzi anċillari tat-tip inkluż fit-Taqsima A jew B tal-Anness 1 li jkollhom x’jaqsmu mal-irfid tad-derivattivi inklużi taħt il-punti (5), (6), (7) u (10) fit-Taqsima C meta dawn ikunu konnessi mal-forniment ta’ servizzi ta’ investiment jew servizzi anċillari.

It-titoli trasferibbli;

L-istrumenti tas-suq monetarju;

L-unitajiet fl-impriżi għal investiment kollettiv;

L-opzjonijiet, il-futuri, is-swaps, il-ftehimiet tar-rata forward u kwalunkwe kuntratt ieħor tad-derivattivi li għandu x’jaqsam mat-titoli, il-valuti, ir-rati jew ir-rendimenti tal-imgħax, il-kwoti tal-emissjonijiet jew strumenti tad-derivattivi oħra, l-indiċijiet finanzjarji jew il-miżuri finanzjarji li s-saldu tagħhom jista’ jsir b’mod fiżiku jew fi flus;

L-opzjonijiet, il-futuri, is-swaps, il-forwards u kwalunkwe kuntratt ieħor tad-derivattivi li għandu x’jaqsam mal-komoditajiet li s-saldu tagħhom irid isir fi flus jew li jista’ jsir fi flus fuq l-għażla ta’ waħda mill-partijiet aktar milli minħabba kontumaċja jew avveniment ieħor ta’ terminazzjoni;

L-opzjonijiet, il-futuri, is-swaps, u kwalunkwe kuntratt ieħor tad-derivattivi li għandu x’jaqsam mal-komoditajiet li s-saldu tagħhom jista’ jsir b’mod fiżiku sakemm in-negozjar tagħhom ikun qed isir fuq suq regolat, MTF jew OTF, ħlief għall-prodotti tal-enerġija bl-ingrossa innegozjati fuq OTF li s-saldu tagħhom irid isir b’mod fiżiku;

L-opzjonijiet, il-futuri, is-swaps, il-ftehimiet tar-rata forward u kwalunkwe kuntratt ieħor tad-derivattivi li għandu x’jaqsam mal-komoditajiet li s-saldu tagħhom jista’ jsir b’mod fiżikuu li ma jkunux imsemmijin fil-punt 6 ta’ din it-Taqsima u li ma jkollhomx finijiet kummerċjali, li jkollhom il-karatteristiċi ta’ strumenti finanzjarji oħra ta’ derivattivi;

L-istrumenti derivattivi għat-trasferiment tar-riskju ta’ kreditu;

Il-kuntratti finanzjarji għad-differenzi;

L-opzjonijiet, il-futuri, is-swaps, il-ftehimiet tar-rata forward u kwalunkwe kuntratt ieħor tad-derivattivi li għandu x’jaqsam mal-elementi varjabbli fil-qasam tal-klima, ir-rati ta’ trasport ta’ merkanzija jew ir-rati tal-inflazzjoni jew statistika ekonomika uffiċjali oħra li s-saldu tagħhom irid isir fi flus jew jista’ jsir fi flus fuq l-għażla ta’ waħda mill-partijiet aktar milli minħabba kontumaċja jew avveniment ieħor ta’ terminazzjoni, kif ukoll kull kuntratt ta’ derivattivi ieħor li jkollu x’jaqsam mal-assi, id-drittijiet, l-obbligi, l-indiċijiet u l-miżuri mhux imsemmija xi mkien ieħor f’din it-Taqsima, li jkollhom il-karatteristiċi ta’ strumenti finanzjarji oħra ta’ derivattivi, filwaqt li jitqies jekk, fost ħwejjeġ oħra, humiex qed jiġu negozjati f’suq regolat, OTF jew MTF;

Il-kwoti tal-emissjonijiet li jikkonsistu fi kwalunkwe unità rikonoxxuta għall-konformità mar-rekwiżiti tad-Direttiva 2003/87/KE (Skema għan-Negozjar tal-Emissjonijiet).