Artikolu 4 Tagħbija u ħatt ta’ kontenituri mobbli f’terminals

Artikolu 4

Tagħbija u ħatt ta’ kontenituri mobbli f’terminals

1.  It-tagħmir tat-tagħbija u l-ħatt għandu jkun disinjat u mħaddem skond id-disposizzjonijiet tekniċi ta’ l-Anness II.

Dawn id-disposizzjonijiet huma maħsuba li jnaqqsu t-telf totali annwali ta’ petrol li jirriżulta mit-tagħbija u l-ħatt ta’ kontenituri mobbli f’terminals għal taħt il-valur mira ta’ referenza ta’ 0,005 w/w % ta’ l-ammont ta’ petrol li kien ipproċessat.

L-Istati Membri jistgħu jżommu jew jeħtieġu miżuri aktar strinġenti mat-territorju kollu tagħhom jew f’żoni ġeografiċi fejn jiġi stabbilit li dawk il-miżuri huma meħtieġa għall-protezzjoni tas-saħħa umana jew ta’ l-ambjent minħabba kondizzjonijiet speċifiċi.

L-Istati Membri jistgħu jadottaw miżuri tekniċi għat-tnaqqis ta’ telf ta’ petrol barra minn dawk imniżżla fl-Anness II jekk dawk il-miżuri alternattivi juri li jkollhom ta’ l-anqas l-istess effiċjenza.

L-Istati Membri għandhom jinfurmaw lill-Istati Membri l-oħra u lill-Kummissjoni b’kull miżuri eżistenti jew b’kull miżuri speċifiċi msemmija f’dan il-paragrafu li jkun qed jaħsbu li jieħdu u l-bażi għaliex ikunu ħaduhom. Il-Kummissjoni għandha tivverifika l-kompatibilità ta’ dawn il-miżuri mad-disposizzjonijiet tat-Trattat u dawk ta’ dan il-paragrafu.

▼M4

It-terminals kollha b’faċilitajiet ta’ tagħbija għall-bawżers għandhom ikunu mgħammra b’mill-anqas struttura ta’ rfid waħda li tissodisfa l-ispeċifikazzjonijiet għat-tagħmir ta’ tagħbija mill-qiegħ stipulati fl-Anness IV. Il-Kummissjoni għandha terġa’ teżamina dawk l-ispeċifikazzjonijiet f’intervalli regolari u għandha s-setgħa li tadotta atti delegati f’konformità mal-Artikolu 7a li jemenda l-Anness IV fid-dawl tar-riżultat ta’ dak ir-rieżami.

▼B

2.  Id-disposizzjonijiet tal-paragrafu 1 għandhom jgħoddu:

3.  Disa’ snin wara d-data msemmija fl-Artikolu 10 il-ħtiġiet għal tagħmir ta’ tagħbija mill-qiegħ imniżżla fl-Anness IV għandhom jgħoddu għall-irfid ta’ tagħbija ta’ tankers tat-triq fit-terminals kollha kemm-il darba ma jkunux eżenti taħt it-termini tal-paragrafu 4

4.  B’deroga, l-paragrafi 1 u 3 m’għandhomx jgħoddu:

▼M3

L-Istati Membri għandhom jinfurmaw lill-Kummissjoni bit-terminals ikkonċernati b’dik id-deroga.

▼B

5.  Ir-Renju ta’ Spanja jista’ jagħti deroga ta’ sena mil-limitu ta’ żmien imniżżel fil-paragrafu 2 (b).