Artikolu 11 Prinċipji ġenerali li jirregolaw l-obbligi bażiċi tal-operatur

jittieħdu l-miżuri preventivi kollha xierqa kontra t-tniġġis;

jiġu applikati l-aħjar metodi tekniċi disponibbli;

ma jiġi kkawżat ebda tniġġis sinifikanti;

tiġi evitata l-ġenerazzjoni tal-iskart skont id-Direttiva 2008/98/KE;

fejn jiġi ġġenerat l-iskart, dan, f’ordni ta’ prijorità u skont id-Direttiva 2008/98/KE, jitħejja għal użu mill-ġdid, jiġi riċiklat, jinġabar lura jew, fejn dan mhux teknikament u ekonomikament possibbli, jintrema waqt li jiġi evitat jew jitnaqqas kull impatt fuq l-ambjent;

l-enerġija tintuża b’mod effiċjenti u, fejn possibbli, il-produzzjoni tal-enerġija rinnovabbli tiġi promossa;

ir-riżorsi materjali u l-ilma jintużaw b’mod effiċjenti, inkluż permezz tal-użu mill-ġdid;

tiġi implimentata sistema ta’ ġestjoni ambjentali kif imsemmi fl-Artikolu 14a;

għandhom jittieħdu l-miżuri meħtieġa biex jiġu evitati aċċidenti u jiġu limitati l-konsegwenzi tagħhom;

jittieħdu l-miżuri meħtieġa mal-waqfien definittiv ta’ attivitajiet biex jiġi evitat kull riskju ta’ tniġġis u biex is-sit tat-tħaddim jinġieb lura għall-istat sodisfaċenti definit skont l-Artikolu 22.