ANNESS III Kriterji biex jiġu ddeterminati l-aqwa metodi tekniċi disponibbli

1.

l-użu ta’ teknoloġija ta’ skart baxx fl-ammont;

2.

l-użu ta’ sustanzi anqas perikolużi, inklużi anqas użu ta’ sustanzi ta’ tħassib serju ħafna;

3.

it-tkomplija tal-ġbir lura u r-riċiklaġġ ta’ sustanzi ġenerati u użati fil-proċess u ta’ skart, fejn xieraq;

4.

proċessi paragunabbli, faċilitajiet u metodi għat-tħaddim li jkunu ġew ippruvati b’suċċess fuq skala industrijali;

5.

avvanzi teknoloġiċi, inklużi għodod diġitali, u tibdil fl-għarfien u fil-fehim xjentifiku;

6.

in-natura, l-effetti u l-volumi tal-emissjonijiet konċernati;

7.

id-dati tal-ikkumissjonar ta’ installazzjonijiet ġodda jew eżistenti;

8.

it-tul ta’ żmien meħtieġ għall-introduzzjoni tal-aħjar teknika disponibbli;

9.

il-konsum u n-natura tal-materja prima, inkluż l-ilma, użata fil-proċess u l-effiċjenza ta’ enerġija u l-użu mill-ġdid u d-dekarbonizzazzjoni;

10.

il-ħtieġa li jiġi evitat jew jitnaqqas għal minimu l-impatt ġenerali tal-emissjonijiet fuq l-ambjent, inkluża l-bijodiversità, u r-riskji għalih;

11.

il-ħtieġa li jiġu evitati l-aċċidenti u minimizzati l-konsegwenzi għall-ambjent u għas-saħħa tal-bniedem;

12.

l-informazzjoni ppubblikata mill-organizzazzjonijiet internazzjonali pubbliċi.