Artikolu 24a 2.

dispożizzjonijiet li jiżguraw b’mod speċifiku li l-prinċipju taċ-ċertezza legali jiġi rispettat u li ma jkun hemm l-ebda effett retroattiv mhux ġustifikat fi kwalunkwe Stat Membru;

dispożizzjonijiet li jiżguraw l-implimentazzjoni tal-ġerarkija tal-iskart stabbilita fl-Artikolu 4 tad-Direttiva 2008/98/KE;

dispożizzjonijiet li jiżguraw li ċ-ċittadini u l-konsumaturi ma jitgħabbewx bi spejjeż sproporzjonati, f’konformità mal-prinċipju ta’ “min iniġġes iħallas”;

dispożizzjonijiet li jiżguraw l-implimentazzjoni u l-infurzar sħaħ ta’ din id-Direttiva, b’mod partikolari fir-rigward ta’ miri tal-ġbir adegwati, kif ukoll fir-rigward tal-prevenzjoni tal-kummerċ illegali tal-WEEE;

il-ħolqien ta’ kategorija ġdida ta’ EEE għall-“pannelli fotovoltajċi” skont din id-Direttiva bil-għan li l-pannelli fotovoltajċi jiġu diżassoċjati mill-kategorija 4 eżistenti tal-EEE, “tagħmir kbir”, kif imsemmi fl-Annessi III u IV, u l-kalkolu tal-miri tal-ġbir abbażi tal-iskart minn pannelli fotovoltajċi disponibbli għall-ġbir fuq il-bażi tal-ħajja mistennija tagħhom, aktar milli tal-kwantità ta’ prodotti mqiegħda fis-suq;

l-istabbiliment ta’ mekkaniżmu maħsub biex jiżgura li, f’każ ta’ falliment jew likwidazzjoni tal-produttur, l-ispejjeż futuri tal-ġbir, it-trattament, l-irkupru u r-rimi li ma jagħmilx ħasara lill-ambjent ta’ skart minn pannelli fotovoltajċi kemm minn djar privati kif ukoll minn utenti għajr djar privati jkunu finanzjarjament koperti.