|
+Artikolu 15e 1. |
Artikolu 15e 1.L-Istati Membri jistgħu jadottaw pjan wieħed jew aktar biex jiddeżinjaw żoni ta’ infrastruttura ddedikati għall-iżvilupp ta’ proġetti tal-grilja u tal-ħżin li huma meħtieġa għall-integrazzjoni tal-enerġija rinnovabbli fis-sistema tal-elettriku, fejn tali żvilupp ma jkunx mistenni li jkollu impatt ambjentali sinifikanti, fejn tali impatt jista’ jiġi mitigat kif xieraq jew, fejn dan ma jkunx possibbli, jiġi kkumpensat. L-għan ta’ tali żoni għandu jkun biex jappoġġja u jikkomplimenta ż-żoni ta’ aċċelerazzjoni għall-enerġija rinnovabbli. Dawk il-pjanijiet għandhom:
(a)
għall-proġetti tal-grilja, jevitaw is-siti ta’ Natura 2000 u ż-żoni deżinjati għall-konservazzjoni tan-natura u tal-bijodiversità fl-ambitu ta’ skemi ta’ protezzjoni nazzjonali, sakemm ma jkunx hemm alternattivi proporzjonati għall-varar tagħhom, filwaqt li jitqiesu l-objettivi tas-sit;
(b)
għall-proġetti ta’ ħżin, jeskludu s-siti ta’ Natura 2000 u ż-żoni deżinjati fl-ambitu ta’ skemi ta’ protezzjoni nazzjonali;
(c)
jiżguraw sinerġiji mad-deżinjazzjoni ta’ żoni ta’ aċċelerazzjoni għall-enerġija rinnovabbli;
(d)
ikunu soġġetti soġġetti għal valutazzjoni ambjentali strateġika skont id-Direttiva 2001/42/KE u, meta xieraq, għal valutazzjoni skont l-Artikolu 6(3) tad-Direttiva 92/43/KEE; u
(e)
jistabbilixxu regoli xierqa u proporzjonati, inkluż dwar miżuri ta’ mitigazzjoni proporzjonati li għandhom jiġu adottati għall-iżvilupp ta’ proġetti tal-grilja u tal-ħżin sabiex jiġu evitati l-effetti negattivi fuq l-ambjent li jistgħu jinħolqu, jew fejn mhux possibbli li jiġu evitati tali effetti, biex jitnaqqsu b’mod sinifikanti. Waqt li jħejjutali pjanijiet, l-Istati Membri għandhom jikkonsultaw lill-operaturi tas-sistema tal-infrastruttura rilevanti. 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|