Artikolu 15e Żoni għall-infrastruttura tal-grilja u tal-ħżin meħtieġa għall-integrazzjoni tal-enerġija rinnovabbli fis-sistema tal-elettriku

L-Istati Membri jistgħu jadottaw pjan wieħed jew aktar biex jiddeżinjaw żoni ta’ infrastruttura ddedikati għall-iżvilupp ta’ proġetti tal-grilja u tal-ħżin li huma meħtieġa għall-integrazzjoni tal-enerġija rinnovabbli fis-sistema tal-elettriku, fejn tali żvilupp ma jkunx mistenni li jkollu impatt ambjentali sinifikanti, fejn tali impatt jista’ jiġi mitigat kif xieraq jew, fejn dan ma jkunx possibbli, jiġi kkumpensat. L-għan ta’ tali żoni għandu jkun biex jappoġġja u jikkomplimenta ż-żoni ta’ aċċelerazzjoni għall-enerġija rinnovabbli. Dawk il-pjanijiet għandhom:

B’deroga mill-Artikolu 2(1) u l-Artikolu 4(2) u l-Anness I, il-punt 20, u l-Anness II, il-punt (3)(b), mid-Direttiva 2011/92/UE tal-Parlament Ewropew u tal-Kunsill ( 21 ), u b’deorga mill-Artikolu 6(3) tad-Direttiva 92/43/KEE, l-Istati Membri jistgħu, f’ċirkostanzi ġustifikati, inkluż meta dan ikun meħtieġ biex jiġi aċċelerat il-varar tal-enerġija rinnovabbli sabiex jintlaħqu l-miri tal-klima u tal-enerġija rinnovabbli, jeżentaw proġetti tal-grilja u tal-ħżin li huma meħtieġa għall-integrazzjoni tal-enerġija rinnovabbli fis-sistema tal-elettriku mill-valutazzjoni tal-impatt ambjentali skont l-Artikolu 2(1) tad-Direttiva 2011/92/UE, minn valutazzjoni tal-implikazzjonijiet tagħhom għas-siti ta’ Natura 2000 skont l-Artikolu 6(3) tad-Direttiva 92/43/KEE u mill-valutazzjoni tal-implikazzjonijiet tagħhom fuq il-protezzjoni tal-ispeċijiet skont l-Artikolu 12(1) tad-Direttiva 92/43/KEE u skont l-Artikolu 5 tad-Direttiva 2009/147/KE, dment li l-proġett tal-grilja jew tal-ħażna ikun jinsab f’żona ta’ infrastruttura ddedikata ddeżinjata f’konformità mal-paragrafu 1 ta’ dan l-Artikolu u li jikkonforma mar-regoli stabbiliti, inkluż dwar miżuri ta’ mitigazzjoni proporzjonati li għandhom jiġu adottati f’konformità mal-paragrafu 1, punt (e), ta’ dan l-Artikolu. L-Istati Membri jistgħu wkoll jagħtu tali eżenzjonijiet fir-rigward ta’ żoni ta’ infrastruttura ddeżinjati qabel l-20 ta’ Novembru 2023 jekk kienu soġġetti għal valutazzjoni ambjentali skont id-Direttiva 2001/42/KE. Tali derogi ma għandhomx japplikaw għall-proġetti li x’aktarx iħallu effetti sinifikanti fuq l-ambjent fi Stat Membru ieħor jew meta jintalbu minn Stat Membru li x’aktarx ikun ser jintlaqat b’mod sinifikanti, kif previst fl-Artikolu 7 tad-Direttiva 2011/92/UE.

Meta Stat Membru jeżenta tali proġetti tal-grilja u tal-ħażna skont il-paragrafu 2 ta’ dan l-Artikolu mill-valutazzjonijiet msemmija f’dak il-paragrafu, l-awtoritajiet kompetenti ta’ dak -Istat Membru għandhom iwettqu l-proċess tal-iskrinjar ta’ proġetti li jinsabu f’żoni ta’ infrastruttura ddedikata. Tali proċess tal-iskrinjar għandu jkun ibbażat fuq data eżistenti mill-valutazzjoni ambjentali skont id-Direttiva 2001/42/KE. L-awtoritajiet kompetenti jitgħu jitolbu lill-applikant jipprovdi informazzjoni addizzjonali disponibbli. Il-proċess tal-skrinjar għandu jiġi ffinalizzat fi żmien 30 jum. Għandu jkollu l-għan li jidentifika jekk kwalunkwe minn tali proġetti għandux probabbiltà kbira li jikkawża effetti negattivi sinifikanti imprevisti fid-dawl tas-sensittività ambjentali taż-żoni ġeografiċi fejn ikun jinsab, li ma jkunux ġew identifikati matul il-valutazzjoni ambjentali tal-pjanijiet li jiddeżinjaw iż-żoni ta’ infrastruttura ddedikata mwettqa skont id-Direttiva 2001/42/KE u, meta rilevanti, skont id-Direttiva 92/43/KEE.

Meta l-proċess ta’ skrinjar jidentifika proġett bi probabbiltà kbira li jikkawża effetti negattivi sinificanti mhux previsti msemmija fil-paragrafu 3, l-awtorità kompetenti għandha tiżgura, abbażi tad-data eżistenti, li jiġu applikati miżuri ta’ mitigazzjoni xierqa u proporzjonati biex jindirizza dawk l-effetti. Meta ma jkunx possibli li jiġu applikati tali miżuri ta’ mitigazzjoni, l-awtorità kompetenti għandha tiżgura li l-operatur jadotta miżuri kumpensatorji xierqa biex jindirizza dawk l-effetti, li, jekk miżuri kumpensatorji oħrajn mhumiex disponibbli, jistgħu jieħdu l-forma ta’ kumpens monetarju għall-programmi ta’ protezzjoni tal-ispeċijiet, sabiex jiġi żgurat jew imtejjeb l-istatus ta’ konservazzjoni tal-ispeċijiet milquta.

Meta l-integrazzjoni ta’ enerġija rinnovabbli fis-sistema tal-elettriku tirrikjedi proġett sabiex isir rinfurzar tal-infrastruttura tal-grilja f’żoni ta’ infrastruttura ddedikata jew barra minnhom, u tali proġett ikun soġġett għall-proċess ta’ skrinjar skont il-paragrafu 3 ta’ dan l-Artikolu, għal determinazzjoni jekk il-proġett jirrikjedix valutazzjoni tal-impatt ambjentali jew valutazzjoni tal-impatt ambjentali skont l-Artikolu 4 tad-Direttiva 2011/92/UE, tali proċess tal-iskrinjar, determinazzjoni jew valutazzjoni tal-impatt ambjentali għandhom ikunu limitati għall-impatt potenzjali li jirriżulta mill-bidla jew mill-estensjoni meta mqabbla mal-infrastruttura tal-grilja oriġinali.