Artikolu 35 7.

valutazzjoni tal-effettività ġenerali ta’ din id-Direttiva u tal-ħtieġa li l-politika tal-Unjoni dwar l-effiċjenza enerġetika tiġi aġġustata aktar skont l-objettivi tal-Ftehim ta’ Pariġi u fid-dawl tal-iżviluppi ekonomiċi u fl-innovazzjoni;

valutazzjoni komprensiva tal-impatt makroekonomiku aggregat ta’ din id-Direttiva, b’enfasi fuq l-effetti fuq is-sigurtà tal-enerġija tal-Unjoni, il-prezzijiet tal-enerġija, il-minimizzazzjoni tal-faqar enerġetiku, it-tkabbir ekonomiku, il-kompetittività, il-ħolqien tal-impjiegi, l-ispiża tal-mobbiltà u l-kapaċità tal-akkwist tal-unitajiet domestiċi;

il-miri ewlenin tal-Unjoni dwar l-effiċjenza enerġetika għall-2030 stabbiliti fl-Artikolu 4(1) biex tirrevedi dawk il-miri ‘l fuq f’każ ta’ tnaqqis sostanzjali fil-kostijiet miksub permezz ta’ żviluppi ekonomiċi jew teknoloġiċi, jew meta meħtieġ biex jintlaħqu l-miri tal-Unjoni għad-dekarbonizzazzjoni għall-2040 jew għall-2050, jew l-impenji internazzjonali tagħha għad-dekarbonizzazzjoni;

jekk l-Istati Membri għandhomx ikomplu jiksbu ffrankar annwali ġdid f’konformità mal-Artikolu 8(1), l-ewwel subparagrafu, il-punt (b)(iv), għal perjodi ta’ għaxar snin wara l-2030;

jekk l-Istati Membri għandhomx ikomplu jiżguraw li mill-inqas 3 % tal-erja totali tal-art tal-bini msaħħan u/jew imkessaħ li jkun il-proprjetà ta’ korpi pubbliċi jiġi rinnovat kull sena f’konformità mal-Artikolu 6(1) biex tiġi riveduta r-rata tar-rinnovazzjoni f’dak l-Artikolu;

jekk l-Istati Membri għandhomx ikomplu jiksbu sehem ta’ ffrankar tal-enerġija fost il-persuni affettwati mill-faqar enerġetiku, il-klijenti vulnerabbli u, meta applikabbli, il-persuni li jgħixu f’akkomodazzjoni soċjali, f’konformità mal-Artikolu 8(3) għall-perjodi ta’ għaxar snin wara l-2030;

jekk l-Istati Membri għandhomx ikomplu jiksbu tnaqqis fil-konsum tal-enerġija finali f’konformità mal-Artikolu 5(1);

l-impatti ta’ din id-Direttiva fuq l-appoġġ għat-tkabbir ekonomiku, iż-żieda fil-produzzjoni industrijali, l-użu ta’ sorsi ta’ enerġija rinnovabbli jew sforzi avvanzati għan-newtralità klimatika.