Artikolu 7 Azzjonijiet b’sostenn għal ekosistema spazjali innovattiva u kompetittiva tal-Unjoni

(a)

tistabbilixxi kriterji għall-għoti tal-kuntratti msemmija fl-Artikolu 19 li jiżguraw l-aktar parteċipazzjoni wiesgħa ta’ negozji ġodda u ta’ SMEs minn madwar l-Unjoni u tul il-katina tal-valur kollha;

(b)

tirrikjedi li l-kuntratturi msemmija fl-Artikolu 19 jipprovdu pjan biex jimmassimizzaw, f’konformità mal-Artikolu 21, l-integrazzjoni ta’ entranti ġodda, negozji ġodda u SMEs minn madwar l-Unjoni fl-attivitajiet taħt il-kuntratti msemmija fl-Artikolu 19;

(c)

tirrikjedi, permezz tal-kuntratti msemmija fl-Artikolu 19, li entranti ġodda, negozji ġodda, SMEs u kumpanija b’kapitalizzazzjoni medja minn madwar l-Unjoni jkunu jistgħu jipprovdu servizzi proprji tagħhom stess lill-utenti finali;

(d)

tippromwovi l-użu u l-iżvilupp ta’ standards miftuħa, teknoloġiji b’sors miftuħ u l-interoperabbiltà fl-arkitettura tas-sistema ta’ konnettività sigura, sabiex tippermetti sinerġiji, tottimizza l-ispejjeż, ittejjeb l-affidabbiltà, trawwem l-innovazzjoni u taħsad il-benefiċċji ta’ kompetizzjoni wiesgħa;

(e)

tippromwovi l-iżvilupp u l-produzzjoni fl-Unjoni ta’ teknoloġiji kritiċi, li huma meħtieġa biex jiġu sfruttati s-servizzi governattivi.

(a)

tappoġġa l-akkwist u l-aggregazzjoni ta’ kuntratti ta’ servizzi għall-ħtiġijiet tal-Programm bl-objettiv li jingranaw u jistimulaw investimenti privati fit-tul, inkluż permezz ta’ akkwist konġunt;

(b)

tippromwovi u tħeġġeġ parteċipazzjoni aktar b’saħħitha tan-nisa u tistabbilixxi għanijiet ta’ ugwaljanza u inklużjoni fid-dokumenti tal-offerti;

(c)

tikkontribwixxi għall-iżvilupp ta’ ħiliet avvanzati f’oqsma relatati mal-ispazju u għal attivitajiet ta’ taħriġ.