Airteagal 7 Gníomhaíochtaí chun tacú le héiceachóras spáis nuálach iomaíoch don Aontas

(a)

critéir a bhunú maidir le dámhachtain na gconarthaí dá dtagraítear in Airteagal 19, lena n-áirithítear an rannpháirtíocht is leithne do ghnólachtaí nuathionscanta agus do FBManna ar fud an Aontais agus feadh an tslabhra luacha iomláin;

(b)

a cheangal go ndéanfaidh na conraitheoirí dá dtagraítear in Airteagal 19 plean a sholáthar, i gcomhréir le hAirteagal 21, maidir le comhtháthú iontrálaithe nua, gnólachtaí nuathionscanta agus FBManna ar fud an Aontais sna gníomhaíochtaí faoi na conarthaí dá dtagraítear in Airteagal 19 a uasmhéadú;

(c)

a cheangal, trí na conarthaí dá dtagraítear in Airteagal 19, go mbíonn iontrálaithe nua, gnólachtaí nuathionscanta, FBManna agus cuideachtaí meánchaipitlithe ar fud an Aontais in ann a seirbhísí dílse a chur ar fáil d’úsáideoirí deiridh;

(d)

úsáid agus forbairt caighdeán oscailte, teicneolaíochtaí foinse oscailte agus idir-inoibritheacht a chur chun cinn in ailtireacht an chórais nascachta sláine, chun sineirgí a cheadú, costais a bharrfheabhsú, iontaofacht a fheabhsú, nuálaíocht a chothú agus tairbhe a bhaint as iomaíocht fhorleathan;

(e)

forbairt agus táirgeadh teicneolaíochtaí criticiúla a chur chun cinn san Aontas, ar teicneolaíochtaí iad a bhfuil gá leo chun leas a bhaint as seirbhísí rialtais.

(a)

tacú le soláthar agus comhiomlánú conarthaí seirbhíse le haghaidh riachtanais an Chláir agus é mar chuspóir infheistíochtaí príobháideacha a ghiaráil agus a spreagadh san fhadtéarma, lena n-áirítear trí sholáthar comhpháirteach;

(b)

rannpháirtíocht níos láidre ó mhná a chur chun cinn agus a spreagadh agus spriocanna comhionannais agus cuimsithe a leagan síos sa doiciméadacht tairisceana;

(c)

cur le forbairt ardscileanna i réimsí a bhaineann leis an spás agus le gníomhaíochtaí oiliúna.