Artikolu 20 Prinċipji tal-akkwist

(a)

li tippromwovi fl-Istati Membri kollha madwar l-Unjoni u tul il-katina tal-provvista kollha, l-aktar parteċipazzjoni wiesgħa u miftuħa possibbli mill-operaturi ekonomiċi, b’mod partikolari parteċipanti ġodda, negozji ġodda u SMEs, inkluż fil-każ ta’ sottokuntrattar mill-offerenti;

(b)

li tiżgura kompetizzjoni effettiva fil-proċess tas-sejħiet għall-offerti, u fejn ikun possibbli, l-evitar ta’ dipendenza fuq fornitur uniku, b’mod partikolari għat-tagħmir u għas-servizzi kritiċi, filwaqt li jitqiesu l-objettivi tal-indipendenza teknoloġika u tal-kontinwità tas-servizzi;

(c)

li ssegwi l-prinċipji tal-aċċess miftuħ u tal-kompetizzjoni, permezz ta’ sejħiet għall-offerti abbażi tal-forniment ta’ informazzjoni trasparenti u f’waqtha, il-komunikazzjoni ċara tar-regoli u l-proċeduri applikabbli dwar l-akkwist, il-kriterji tal-għażla u tal-għoti u kwalunkwe informazzjoni oħra rilevanti li tippermetti kondizzjonijiet ekwivalenti ta’ kompetizzjoni għall-offerenti potenzjali kollha;

(d)

li tipproteġi s-sigurtà u l-interess pubbliku tal-Unjoni u tal-Istati Membri tagħha, inkluż permezz ta’ tisħiħ tal-awtonomija strateġika tal-Unjoni, b’mod partikolari f’termini teknoloġiċi, billi twettaq valutazzjonijiet tar-riskji u timplimenta miżuri ta’ mitigazzjoni tar-riskju ta’ tfixkil, pereżempju fejn ikun disponibbli biss fornitur wieħed;

(e)

li tikkonforma mar-rekwiżiti ġenerali tas-sigurtà msemmija fl-Artikolu 30(3) u li tikkontribwixxi għall-protezzjoni tal-interessi essenzjali tas-sigurtà tal-Unjoni u tal-Istati Membri tagħha;

(f)

b’deroga mill-Artikolu 167 tar-Regolament Finanzjarju, li tuża, kull fejn xieraq, diversi sorsi ta’ provvista sabiex jiġi żgurat kontroll ġenerali aħjar tal-Programm, il-kost u l-iskeda tiegħu;

(g)

li tippromwovi l-aċċessibbiltà, il-kontinwità u l-affidabbiltà tas-servizz;

(h)

li ttejjeb is-sikurezza u s-sostenibbiltà tal-attivitajiet fl-ispazju ekstratmosferiku, billi timplimenta miżuri xierqa f’konformità mad-dispożizzjonijiet stabbiliti fl-Artikolu 8;

(i)

li tiżgura l-promozzjoni effettiva ta’ opportunitajiet indaqs għal kulħadd, l-implimentazzjoni tal-integrazzjoni tal-perspettiva tal-ġeneri u tad-dimensjoni tal-ġeneru u li timmira li tindirizza l-kawżi tal-iżbilanċ bejn il-ġeneri, filwaqt li tingħata attenzjoni partikolari lill-iżgurar tal-bilanċ bejn il-ġeneri fil-bordijiet ta’ evalwazzjoni.