|
+ANNESS VI Il-prinċipji tal-verifika u l-kontenut tar-rapporti ta’ verifika għall-finijiet tal-Artikolu 8 |
ANNESS VI Il-prinċipji tal-verifika u l-kontenut tar-rapporti ta’ verifika għall-finijiet tal-Artikolu 8
ANNESS VI Il-prinċipji tal-verifika u l-kontenut tar-rapporti ta’ verifika għall-finijiet tal-Artikolu 8 1. IL-PRINĊIPJI TAL-VERIFIKA Għandhom japplikaw il-prinċipji li ġejjin:
(a)
il-verifikaturi għandhom iwettqu l-verifiki b’attitudni ta’ xettiċiżmu professjonali;
(b)
l-emissjonijiet integrati totali li għandhom jiġu ddikjarati fid-dikjarazzjoni CBAM għandhom jitqiesu bħala vverifikati biss jekk il-verifikatur isib b’aċċertament raġonevoli li r-rapport ta’ verifika ma jkunx fih dikjarazzjonijiet skorretti materjali u nonkonformitajiet materjali fir-rigward tal-kalkolu tal-emissjonijiet integrati f’konformità mar-regoli tal-Anness IV;
(c)
iż-żjarat mill-verifikatur fl-installazzjoni għandhom ikunu obbligatorji ħlief meta jiġu ssodisfati kriterji speċifiċi biex ma ssirx iż-żjara fl-installazzjoni;
(d)
biex jiddeċiedi jekk id-dikjarazzjonijiet skorretti jew in-nonkonformitajiet humiex materjali, il-verifikatur għandu juża s-sollijiet mogħtija mill-atti ta’ implimentazzjoni adottati skont l-Artikolu 8(3). Għall-parametri li għalihom ma huma determinati ebda sollijiet bħal dawn, il-verifikatur għandu juża l-ġudizzju espert dwar jekk dikjarazzjonijiet skorretti jew nonkonformitajiet, individwalment jew meta jiġu aggregati ma’ dikjarazzjonijiet skorretti jew nonkonformitajiet oħra, iġġustifikati mid-daqs u n-natura tagħhom, għandhomx jitqiesu materjali. 2. IL-KONTENUT TAR-RAPPORT TA’ VERIFIKA Il-verifikatur għandu jħejji rapport ta’ verifika li jistabbilixxi l-emissjonijiet integrati tal-oġġetti u jispeċifika l-kwistjonijiet kollha rilevanti għall-ħidma mwettqa u li jinkludi, mill-inqas, l-informazzjoni li ġejja:
(a)
l-identifikazzjoni tal-installazzjonijiet fejn ikunu ġew prodotti l-oġġetti;
(b)
l-informazzjoni ta’ kuntatt tal-operatur tal-installazzjonijiet fejn ikunu ġew prodotti l-oġġetti;
(c)
il-perjodu ta’ rapportar applikabbli;
(d)
l-isem u l-informazzjoni ta’ kuntatt tal-verifikatur;
(e)
in-numru tal-akkreditament tal-verifikatur, u l-isem tal-korp ta’ akkreditament;
(f)
id-data taż-żjarat fl-installazzjonijiet, jekk applikabbli, jew ir-raġunijiet għaliex ma tkunx saret żjara f’installazzjoni;
(g)
il-kwantitajiet ta’ kull tip ta’ oġġetti ddikjarati prodotti fil-perjodu ta’ rappurtar;
(h)
il-kwantifikazzjoni tal-emissjonijiet diretti tal-installazzjoni matul il-perjodu ta’ rapportar;
(i)
deskrizzjoni dwar kif l-emissjonijiet tal-installazzjoni huma attribwiti għal tipi differenti ta’ oġġetti;
(j)
informazzjoni kwantitattiva dwar l-oġġetti, l-emissjonijiet u l-flussi tal-enerġija mhux assoċjati ma’ dawk l-oġġetti;
(k)
fil-każ ta’ oġġetti kumplessi:
(i)
il-kwantitajiet ta’ kull materjal ta’ input (prekursur) użat;
(ii)
l-emissjonijiet integrati speċifiċi assoċjati ma’ kull wieħed mill-materjali ta’ input (prekursuri) użati;
(iii)
l-identifikazzjoni tal-installazzjonijiet fejn ikun ġie prodott il-materjal ta’ input (prekursur) u l-emissjonijiet reali mill-produzzjoni ta’ dak il-materjal;
(l)
id-dikjarazzjoni tal-verifikatur li tikkonferma li jkun sab b’aċċertament raġonevoli li r-rapport ma jkunx jinkludi dikjarazzjonijiet skorretti materjali u nonkonformitajiet materjali fir-rigward tar-regoli tal-kalkolu tal-Anness IV;
(m)
informazzjoni dwar dikjarazzjonijiet skorretti materjali misjuba u kkoreġuti;
(n)
informazzjoni dwar nonkonformitajiet materjali mar-regoli tal-kalkolu stipulati fl-Anness IV, misjuba u kkoreġuti. 1. Ħarsa ġenerali
1.1 Referenzi1.2 Rekwiżiti identifikati1.3 Standards relatati2. Rekwiżiti identifikati
3. Standards relatati
|