Artikolu 9 Proġetti ta’ appoġġ għall-implimentazzjoni tal-politika

1.   Il-Bord jista’ jipproponi li il-Kummissjoni tistabbilixxi proġetti li jappoġġaw lill-korpi tas-settur pubbliku fl-implimentazzjoni diġitali tal-politiki tal-Unjoni li jiżguraw l-interoperabbiltà transfruntiera tas-servizzi pubbliċi diġitali trans-Ewropej (“proġett ta’ appoġġ għall-implimentazzjoni tal-politika”).

2.   Il-proġett ta’ appoġġ għall-implimentazzjoni tal-politika għandu jistabbilixxi:

3.   Wara li tikkonsulta mal-Bord, il-Kummissjoni għandha tistabbilixxi l-ambitu, l-iskeda ta’ żmien, l-involviment meħtieġ tas-setturi partikolari u l-livelli amministrattivi, u l-metodi ta’ ħidma tal-proġett ta’ appoġġ. Meta il-Kummissjoni tkun diġà wettqet u ppubblikat valutazzjoni tal-interoperabbiltà, skont l-Artikolu 3, għandu jitqies l-eżitu ta’ dik il-valutazzjoni meta jiġi stabbilit il-proġett ta’ appoġġ.

4.   Sabiex jissaħħaħ il-proġett ta’ appoġġ għall-implimentazzjoni tal-politika, il-Bord jista’ jipproponi li jiġi stabbilit ambjent ta’ esperimentazzjoni regolatorju tal-interoperabbiltà skont l-Artikolu 11.

5.   L-eżitu ta’ proġett ta’ appoġġ għall-implimentazzjoni tal-politika kif ukoll soluzzjonijiet ta’ interoperabbiltà żviluppati matul il-proġett għandhom ikunu disponibbli b’mod miftuħ u jiġu ppubblikati fuq il-portal Ewropa Interoperabbli.