Artikolu 11 Imballaġġ riutilizzabbli

(a)

ikun ġie maħsub, iddisinjat u mqiegħed fis-suq bl-objettiv li jerġa' jintuża diversi drabi;

(b)

ikun ġie maħsub u ddisinjat biex iwettaq kemm jista' jkun rotazzjonijiet f'kundizzjonijiet tal-użu normalment prevedibbli;

(c)

jissodisfa r-rekwiżiti applikabbli fir-rigward tas-saħħa tal-konsumatur, is-sikurezza u l-iġjene;

(d)

jista' jitbattal jew jinħatt mingħajr ma ssirlu ħsara b'tali mod li twaqqaf il-funzjonament ulterjuri u l-użu mill-ġdid tiegħu;

(e)

jista' jitbattal, jinħatt, jerġa' jimtela jew jerġa' jitgħabba filwaqt li jinżammu l-kwalità u s-sikurezza tal-prodott fl-imballaġġ u tiġi żgurata l-konformità mar-rekwiżiti applikabbli tas-sikurezza u tal-iġjene, inkluż dawk dwar is-sikurezza tal-ikel;

(f)

jista' jiġi rikondizzjonat f'konformità mal-Parti B tal-Anness VI, filwaqt li jżomm il-kapaċità tiegħu li jwettaq il-funzjoni maħsuba tiegħu;

(g)

jippermetti t-twaħħil tat-tikketta u l-għoti tal-informazzjoni dwar il-proprjetajiet ta' dak il-prodott u dwar l-imballaġġ innifsu, inkluż kwalunkwe struzzjoni u informazzjoni rilevanti biex jiġu żgurati s-sikurezza, l-użu adegwat, it-traċċabbiltà u l-ħajja fuq l-ixkaffa tal-prodott;

(h)

jista' jitbattal, jinħatt, jerġa' jimtela jew jerġa' jitgħabba mingħajr riskju għas-saħħa u s-sikurezza ta' dawk responsabbli biex jagħmlu dan; u

(i)

jissodisfa r-rekwiżiti speċifiċi għall-imballaġġ riċiklabbli stipulati fl-Artikolu 6, sabiex ikun jista' jiġi riċiklat meta jsir skart.