Artikolu 31 Rapportar lill-awtoritajiet kompetenti dwar il-miri tal-użu mill-ġdid

1.   L-operaturi ekonomiċi kif imsemmija fl-Artikolu 29(1) sa (8) għandhom jippreżentaw rapport li jkun fih data dwar l-kisba tal-miri tal-użu mill-ġdid stabbiliti fl-Artikolu 29 għal kull sena kalendarja lill-awtorità kompetenti msemmija fl-Artikolu 40.

2.   Ir-rapport imsemmi fil-paragrafu 1 għandu jiġi ppreżentat fi żmien 6 xhur mit-tmiem tas-sena ta' rapportar li għaliha tinġabar id-data.

3.   L-ewwel sena ta' rapportar għandha tikkonċerna s-sena kalendarja 2030.

4.   L-awtoritajiet kompetenti għandhom jistabbilixxu sistemi elettroniċi li permezz tagħhom id-data għandha tiġi rrapportata lilhom u jispeċifikaw il-formati li għandhom jintużaw.

5.   L-awtoritajiet kompetenti jistgħu jitolbu lill-operaturi ekonomiċi jipprovdu kwalunkwe informazzjoni addizzjonali meħtieġa biex jiżguraw l-affidabbiltà tad-data rrapportata.

6.   L-Istati Membri għandhom jagħmlu disponibbli għall-pubbliku r-rapport imsemmi fil-paragrafu 1.

7.   Sat-12 ta’ Frar 2027, il-Kummissjoni għandha tistabbilixxi osservatorju Ewropew dwar l-użu mill-ġdid. L-osservatorju għandu jkun responsabbli għall-monitoraġġ tal-implimentazzjoni tal-miżuri stabbiliti f'dan ir-Regolament, il-ġbir tad-data dwar il-prattiki tal-użu mill-ġdid u l-kontribut għall-iżvilupp tal-aħjar prattiki fil-qasam tal-użu mill-ġdid.