Artikolu 86 Il-ħżin ta’ data elettronika personali dwar is-saħħa għall-użu primarju

Artikolu 86

F’konformità mal-prinċipji ġenerali tatal-liġi tal-Unjoni, li jinkludu d-drittijiet fundamentali minquxa fl-Artikoli 7 u 8 tal-Karta tad-Drittijiet Fundamentali tal-Unjoni Ewropea, l-Istati Membri għandhom jiżguraw li jkun hemm fis-seħħ livell partikolarment għoli ta’ protezzjoni u sigurtà meta jipproċessaw data elettronika personali dwar is-saħħa għall-użu primarju, permezz ta’ miżuri tekniċi u organizzattivi xierqa. F’dan ir-rigward, dan ir-Regolament ma għandux jipprekludi rekwiżit skont il-liġi nazzjonali, filwaqt li jitqies il-kuntest nazzjonali, li, f’każijiet meta d-data elettronika personali dwar is-saħħa tiġi pproċessata mill-fornituri tal-kura tas-saħħa għall-forniment tal-kura tas-saħħa jew mill-punti ta’ kuntatt nazzjonali għas-saħħa diġitali kkollegat ma’ Saħħti@UE (MyHealth@EU), il-ħżin tad-data elettronika personali dwar is-saħħa msemmija fl-Artikolu 14 ta’ dan ir-Regolament għall-fini tal-użu primarju jkun jinsab fl-Unjoni, f’konformità mad-dritt tal-Unjoni u mal-impenji internazzjonali.