Artikolu 15 Saldu tal-flus

1.   Operatur ta’ SIPS li jirregola ħlas unilaterali f’euro għandu jiżgura li s-saldu finali jseħħ fi flus ta’ bank ċentrali. Operatur ta’ SIPS li jirregola ħlasijiet għal SIPS oħrajn għandu jipprova li jippermetti lil SIPS oħra li jagħmlu saldu f’sitwazzjonijiet ta’ emerġenza.

2.   Operatur ta’ SIPS li jissalda ħlasijiet bilaterali jew ħlasijiet unilaterali f’muniti li mhumiex l-euro għandu jiżgura li saldu finali jseħħ fi flus ta’ bank ċentrali fejn prattikabbli u disponibbli.

3.   Jekk ma jintużawx il-flus ta’ bank ċentrali, operatur ta’ SIPS għandu jiżgura li s-saldu tal-flus iseħħ bl-użu tal-attiv bi ftit jew bl-ebda riskju ta’ kreditu u likwidità.

4.   Jekk iseħħ saldu fi flus ta’ bank kummerċjali, l-operatur ta’ SIPS għandu jżomm monitoraġġ, jiġġestixxi, u jillimita riskji ta’ likwidità u kreditu li jinħolqu mill-banek ta’ saldu kummerċjali. B’mod partikolari, l-operatur ta’ SIPS għandu jistabilixxi u jżomm monitoraġġ tal-konformità mal-kriterji stretti għall-banek tas-saldu tiegħu li jieħdu kont ta’, fost affarijiet oħra, ir-regolamentazzjoni u s-superviżjoni l-affidabbiltà kreditizja, il-kapitalizzazzjoni, l-aċċess għal-likwidità, u l-affidabbiltà operazzjonali tagħhom. L-operatur ta’ SIPS għandu jżomm monitoraġġa u jiġġestixxi l-konċentrazzjoni tal-iskoperturi ta’ kreditu u likwidità għall-banek tas-saldu kummerċjali tas-SIPS.

5.   Jekk operatur ta’ SIPS iwettaq saldu ta’ flus fuq il-kotba tiegħu nnifsu, huwa għandu jimminimizza u jikkontrolla strettament ir-riskji tiegħu ta’ likwidità u kreditu.

6.   Jekk is-saldu jseħħ fi flus ta’ bank kummerċjali, il-ftehim legali tal-operatur ta’ SIPS ma’ kwalunkwe banek tas-saldu kummerċjali għandhom jiddikjaraw b’mod ċar: