Artikolu 21 2

(a)

l-identifikazzjoni u l-klassifikazzjoni ta’ rwoli ewlenin, inkluż l-obbligu ta’ rendikont għat-teħid ta’ deċiżjonijiet fi ħdan l-organizzazzjoni, il-proċessi, l-operazzjonijiet, is-servizzi, u l-attiv ta’ informazzjoni li jappoġġaw l-operazzjonijiet u s-servizzi kritiċi tas-SIPS sabiex jiġi żgurat li jkun hemm fis-seħħ miżuri xierqa għall-protezzjoni u l-irkupru f’waqtu tagħhom fil-eventwalità ta’ attakk ċibernetiku;

(b)

il-protezzjoni adegwata tas-SIPS mir-riskji ċibernetiċi, inkluż bl-implimentazzjoni ta’ kontrolli effettivi tas-sigurtà u t-twettiq ta’ attivitajiet ta’ kontroll dwar il-funzjonament u s-sigurtà tas-sistemi ewlenin tal-ICT, l-ipproċessar jew il-ħżin ta’ informazzjoni sensittiva;

(c)

id-detezzjoni f’waqtha u xierqa ta’ kwalunkwe inċident ċibernetiku jew sinjali tiegħu, inkluż permezz tal-monitoraġġ ta’ attivitajiet anomali;

(d)

ir-rispons għal kwalunkwe inċident ċibernetiku jew kwalunkwe avveniment avvers u l-irkupru minnu fil-ħin u b’mod xieraq, li jippermetti lis-SIPS jerġa’ jibda l-operazzjonijiet kritiċi malajr u b’mod li jillimita kwalunkwe ħsara lis-SIPS.