Artikolu 28 Obbligu ġenerali ta’ konformità

1.   Operaturi ta’ SIPS għandu jkollhom sena mid-data li fiha tkun notifikata lilhom d-deċiżjoni tal-Kunsill Governattiv skont l-Artikolu 3(3) sabiex jikkonformaw mar-rekwiżiti elenkati f’dan ir-Regolament.

2.   Operaturi ta’ SIPS għandhom jikkooperaw, fuq bażi kontinwa, mal-awtorità kompetenti, u jiżguraw il-konformità tas-SIPS li joperaw mar-rekwiżiti stabbiliti fl-Artikoli 8 sa 27 u l-Artikolu 29, inkluż f’termini tal-effettività ġenerali tar-regoli, il-proċeduri, il-proċessi u l-oqfsa tagħhom. Operaturi ta’ SIPS għandhom jikkooperaw ulterjorment mal-awtorità kompetenti sabiex jiffaċilitaw l-objettiv aktar wiesa’ tal-promozzjoni tal-operat mingħajr xkiel ta’ sistemi ta’ ħlas f’livell sistemiku.

3.   Meta fergħa tiġi identifikata bħala operatur ta’ SIPS u l-konformità ma’ obbligu skont dan ir-Regolament tirrikjedi jew tiddependi fuq l-involviment tal-entità ġuridika li tagħha l-fergħa hija parti legalment dipendenti, l-obbligu għandu jinftiehem bħala obbligu fuq il-fergħa li turi konformità vis-à-vis l-awtorità kompetenti permezz tal-azzjonijiet u l-proċessi fil-livell tal-entità ġuridika rilevanti.