Artikolu 4 Pjan ta’ implimentazzjoni u ta’ governanza tal-pjattaforma komuni tad-data

1.   Sat-2 ta’ Lulju 2026, il-Kummissjoni għandha tadotta, permezz ta’ att ta’ implimentazzjoni, pjan ta’ implimentazzjoni li jidentifika s-settijiet tad-data tad-data dwar sustanzi kimiċi għall-inklużjoni fil-pjattaforma komuni tad-data flimkien ma’ skeda ta’ żmien għall-inklużjoni tagħhom. Il-pjanijiet ta’ implimentazzjoni sussegwenti għandhom jiġu adottati f’konformità mal-iskema ta’ governanza adottata skont il-paragrafu 4.

2.   Il-Kummissjoni għandha, permezz ta’ att ta’ implimentazzjoni, tistabbilixxi u tiġġestixxi kumitat ta’ tmexxija tal-pjattaforma, li għandu jinkludi mill-anqas rappreżentant wieħed minn kull waħda mill-Aġenziji u l-istess għadd ta’ rappreżentanti mill-Kummissjoni daqs dak tal-aġenziji kollha flimkien.

3.   Il-kumitat ta’ tmexxija tal-pjattaforma għandu jagħti pariri lill-Kummissjoni fit-tħejjija tal-iskema ta’ governanza tal-pjattaforma komuni tad-data msemmija fil-paragrafu 4.

4.   Il-Kummissjoni għandha tadotta u tippubblika l-iskema ta’ governanza għall-pjattaforma komuni tad-data u kwalunkwe reviżjoni tagħha permezz ta’ atti ta’ implimentazzjoni.

Waqt li tipprepara l-iskema ta’ governanza, Il-Kummissjoni għandha tqis il-livelli differenti ta’ responsabbiltà tal-Kummissjoni u tal-Aġenziji fil-ġestjoni u fl-operat tal-pjattaforma komuni tad-data.

5.   L-iskema ta’ governanza għall-pjattaforma komuni tad-data għandha tiddeskrivi: