Artikolu 19 1

(a)

l-informazzjoni kollha tat-tikkettar imsemmija fil-Parti A tal-Anness V u, fejn applikabbli, il-Parti B ta' dak l-Anness, tingħata flimkien f'post wieħed u tkun separata minn informazzjoni oħra;

(b)

l-informazzjoni fuq it-tikketta diġitali tista' tiġi mfittxija;

(c)

l-informazzjoni fuq it-tikketta diġitali hija aċċessibbli għall-utenti kollha fl-Unjoni;

(d)

l-informazzjoni fuq it-tikketta diġitali hija aċċessibbli permezz tal-mezz ta' data msemmi fl-Artikolu 21(2), il-punt (h);

(e)

l-informazzjoni fuq it-tikketta diġitali hija ppreżentata b'mod li jindirizza wkoll il-ħtiġijiet ta' gruppi vulnerabbli, inkluż il-persuni b'diżabbiltà, u li jippermetti, kif rilevanti, l-adattamenti meħtieġa biex jiġi ffaċilitat l-aċċess għall-informazzjoni minn dawk il-gruppi;

(f)

it-tikketta diġitali hija aċċessibbli permezz ta' teknoloġiji diġitali b'użu mifrux u hija kompatibbli mas-sistemi operattivi u l-browsers ewlenin kollha;

(g)

it-tikketta diġitali tibqa' disponibbli għal perjodu ta' 10 snin mid-data li fiha d-deterġent jew l-aġent tensjoattiv ġie introdott fis-suq, inkluż f'każijiet ta' insolvenza, likwidazzjoni jew waqfien tal-attività fl-Unjoni tal-operatur ekonomiku li jkun ħoloqha, jew għal perjodu itwal kif meħtieġ skont liġi oħra tal-Unjoni li tkopri l-informazzjoni li jkun fiha;

(h)

meta l-informazzjoni fuq it-tikketta diġitali tkun aċċessibbli f'aktar minn lingwa waħda, l-għażla tal-lingwa ma għandhiex tkun ikkundizzjonata mill-pożizzjoni ġeografika li minnha jkun qed jaċċessaha l-utent finali.