ANNESS V

(a)

ir-rapportar għandu jkun f'waqtu u fl-iskandenzi stabbiliti mill-bank ċentrali nazzjonali (BĊN) rilevanti;

(b)

ir-rapporti statistiċi jridu jieħdu l-forma u l-format mill-obbligi ta' rapportar tekniċi stabbiliti mill-BĊN relevanti;

(c)

l-aġent li jirrapporta għandu jagħti d-dettalji ta' persuna ta' kuntatt waħda jew aktar lil kull BĊN relevanti;

(d)

l-ispeċifikazzjonijiet tekniċi għat-trażmissjoni ta' dejta lill-BĊN relevanti jridu jiġu segwiti.

(a)

l-informazzjoni statistika għandha tkun korretta: kull restrizzjoni lineari għandha tiġi sodisfatta, eż. is-subtotali għandhom jammontaw għat-totali, u d-dejta għandha tkun konsistenti bejn il-frekwenzi kollha;

(b)

l-aġenti li jirrapportaw għandhom ikunu kapaċi jagħtu tagħrif dwar l-iżviluppi implikati mid-dejta mibgħuta;

(c)

l-informazzjoni statistika għandha tkun kompluta u m'għandhiex ikollha lakuni kontinwi u strutturali; il-lakuni fir-rapportar għandhom ikunu tranżitorji u għandhom jiġu rrapportati lill-BĊN (u mill-BĊN lill-BĊE), spjegati lill-BĊN relevanti u, fejn applikabbli, mimlija mill-aktar fis possibbli;

(d)

l-operaturi li jirrapportaw għandhom isegwu d-dimensjonijiet, il-politika tal-approssimazzjoni u d-deċimali stabbiliti mill-BĊN relevanti għat-trażmissjoni teknika tad-dejta.

(a)

l-informazzjoni statistika għandha tikkonforma mad-definizzjonijiet u l-klassifikazzjonijiet li jinsabu f'dan ir-Regolament;

(b)

f'każ ta' devjazzjonijiet minn dawn id-definizzjonijiet u klassifikazzjonijiet, l-aġenti li jirrapportaw għandhom jeliminaw minnufih differenzi bejn il-miżura użata u l-miżura li tinsab f'dan ir-Regolament;

(c)

l-operaturi li jirrapportaw għandhom ikunu jistgħu jispjegaw interruzzjonijiet fid-dejta mibgħuta meta mqabbla maċ-ċifri tal-perijodi preċedenti.