Artikolu 17 Rappreżentant legali

1.   Fornitur ta’ servizzi ta’ hosting li ma jkollux l-istabbiliment prinċipali tiegħu fl-Unjoni għandu jaħtar, bil-miktub, persuna fiżika jew ġuridika bħala r-rappreżentant legali tiegħu fl-Unjoni għall-finijiet tar-riċezzjoni ta’, il-konformità ma’, u l-infurzar ta’, ordnijiet ta’ tneħħija, u deċiżjonijiet maħruġa mill-awtoritajiet kompetenti.

2.   Il-fornituri ta’ servizzi ta’ hosting għandhom jipprovdu lir-rappreżentant legali tagħhom is-setgħat u r-riżorsi meħtieġa biex jikkonforma ma’ dawk l-ordnijiet ta’ tneħħija u deċiżjonijiet u biex jikkoopera mal-awtoritajiet kompetenti.

Ir-rappreżentant legali għandu jkun jirrisjedi jew ikun stabbilit f’wieħed mill-Istati Membri fejn il-fornitur ta’ servizzi ta’ hosting jipprovdi s-servizzi tiegħu.

3.   Ir-rappreżentant legali jista’ jinżamm responsabbli għall-ksur ta’ dan ir-Regolament, mingħajr preġudizzju għal kwalunkwe responsabbiltà ta’, jew għal azzjonijiet legali kontra, il-fornitur ta’ servizzi ta’ hosting.

4.   Il-fornitur ta’ servizzi ta’ hosting għandu jinforma lill-awtorità kompetenti msemmija fil-punt (d) tal-Artikolu 12(1) tal-Istat Membru fejn ir-rappreżentant legali tiegħu jirrisjedi jew ikun stabbilit dwar il-ħatra.

Il-fornitur ta’ servizzi ta’ hosting għandu jagħmel disponibbli pubblikament l-informazzjoni dwar ir-rappreżentant legali.