Artikolu 2 (7)

(a)

jinstiga t-twettiq ta’ wieħed mir-reati elenkati fil-punti (a) sa (i) tal-Artikolu 3(1) tad-Direttiva (UE) 2017/541, fejn tali materjal, direttament jew indirettament, bħal permezz tal-glorifikazzjoni ta’ atti terroristiċi, jiddifendi t-twettiq ta’ reati terroristiċi, u b’hekk jikkawża l-periklu li xi wieħed jew aktar minn tali reati jitwettqu;

(b)

jissolleċita persuna jew grupp ta’ persuni biex iwettqu, jew jikkontribwixxu għat-twettiq ta’, wieħed mir-reati msemmija fil-punti (a) sa (i) tal-Artikolu 3(1) tad-Direttiva (UE) 2017/541;

(c)

jissolleċita persuna jew grupp ta’ persuni biex jipparteċipaw fl-attivitajiet ta’ grupp terroristiku, fis-sens tal-punt (b) tal-Artikolu 4 tad-Direttiva (UE) 2017/541;

(d)

jagħti istruzzjoni dwar il-produzzjoni jew l-użu ta’ splussivi, armi tan-nar jew armi oħra jew ta’ sustanzi noċivi jew perikolużi, jew dwar metodi jew tekniki speċifiċi oħra, għall-fini li jitwettaq, jew li jingħata kontribut għat-twettiq ta’, wieħed mir-reati terroristiċi msemmija fil-punti (a) sa (i) tal-Artikolu 3(1) tad-Direttiva (UE) 2017/541;

(e)

jikkostitwixxi theddida ta’ twettiq ta’ wieħed mir-reati msemmija fil-punti (a) sa (i) tal-Artikolu 3(1) tad-Direttiva (UE) 2017/541;