Artikolu 2 Definizzjonijiet

“fornitur ta’ servizzi ta’ hosting” tfisser fornitur ta’ servizzi kif definiti fil-punt (b) tal-Artikolu 1 tad-Direttiva (UE) 2015/1535 tal-Parlament Ewropew u tal-Kunsill (14), li jikkonsistu mill-ħżin ta’ informazzjoni pprovduta minn, u fuq talba ta’, fornitur ta’ kontenut;

“fornitur ta’ kontenut” tfisser utent li pprovda informazzjoni li tkun, jew li kienet, maħżuna u disseminata lill-pubbliku minn fornitur ta’ servizzi ta’ hosting;

“disseminazzjoni lill-pubbliku” tfisser attività li tagħmel informazzjoni disponibbli, fuq talba ta’ fornitur ta’ kontenut, lil numru potenzjalment illimitat ta’ persuni;

“offerta ta’ servizzi fl-Unjoni” tfisser il-possibbiltà mogħtija lil persuni fiżiċi jew ġuridiċi fi Stat Membru wieħed jew aktar li jużaw is-servizzi ta’ fornitur ta’ servizzi ta’ hosting li jkollu konnessjoni sostanzjali ma’ dak l-Istat Membru jew ma’ dawk l-Istati Membri;

“konnessjoni sostanzjali” tfisser il-konnessjoni ta’ fornitur ta’ servizzi ta’ hosting ma’ Stat Membru wieħed jew aktar li tirriżulta jew mill-istabbiliment tiegħu fl-Unjoni jew minn kriterji fattwali speċifiċi, bħal:

“reati terroristiċi” tfisser reati kif definiti fl-Artikolu 3 tad-Direttiva (UE) 2017/541;

“kontenut terroristiku” tfisser wieħed jew aktar mit-tipi li ġejjin ta’ materjal, jiġifieri materjal li:

“termini u kondizzjonijiet” tfisser it-termini, kondizzjonijiet u klawżoli kollha, irrispettivament mill-isem jew mill-forma tagħhom, li jirregolaw ir-relazzjoni kuntrattwali bejn fornitur ta’ servizzi ta’ hosting u l-utenti tiegħu;

“stabbiliment prinċipali” tfisser l-uffiċċju prinċipali jew l-uffiċċju reġistrat tal-fornitur ta’ servizzi ta’ hosting li fih jiġu eżerċitati l-funzjonijiet finanzjarji prinċipali u l-kontroll operazzjonali.