Artikolu 3 4

(a)

dettalji ta’ identifikazzjoni tal-awtorità kompetenti li toħroġ l-ordni ta’ tneħħija u awtentikazzjoni tal-ordni ta’ tneħħija minn dik l-awtorità kompetenti;

(b)

dikjarazzjoni suffiċjentement dettaljata tar-raġunijiet li tispjega għaliex il-kontenut jitqies bħala kontenut terroristiku, u referenza għat-tip rilevanti ta’ materjal imsemmi fil-punt (7) tal-Artikolu 2;

(c)

lokatur uniformi tar-riżorsi (URL, uniform resource locator) preċiż u, fejn meħtieġ, informazzjoni addizzjonali għall-identifikazzjoni tal-kontenut terroristiku;

(d)

referenza għal dan ir-Regolament bħala l-bażi ġuridika għall-ordni ta’ tneħħija;

(e)

id-data, it-timbru tal-ħin u l-firma elettronika tal-awtorità kompetenti li toħroġ l-ordni ta’ tneħħija;

(f)

informazzjoni li tinftiehem faċilment dwar ir-rimedju disponibbli għall-fornitur ta’ servizzi ta’ hosting u għall-fornitur ta’ kontenut, inkluża informazzjoni dwar ir-rimedju mill-awtorità kompetenti, dwar azzjoni quddiem qorti, kif ukoll dwar l-iskadenzi għal appell;

(g)

fejn ikun neċessarju u proporzjonat, id-deċiżjoni, taħt l-Artikolu 11(3), li ma tiġix żvelata informazzjoni dwar it-tneħħija ta’, jew diżattivazzjoni tal-aċċess għal, kontenut terroristiku.