Artikolu 8

Artikolu 8

1.  L-Istati Membri għandhom jieħdu l-passi meħtieġa sabiex jiżguraw li l-impriżi kollha imqabbda biex ineħħu l-kontaminazzjoni u/jew ir-rimi tal-PCBs, PCBs użati u/jew apparat li fih il-PCBs jiksbu l-permessi skond l-Artikolu 9 tad-Direttiva Nru 75/442/KEE.

2.  Meta l-ħruq jintuża għar-rimi, d-Direttiva tal-Kunsill Nru 94/67/KE tas-16 ta' Diċembru 1994 dwar il-ħruq ta' skart perikoluż ( 12 ) għandha tgħodd. Metodi oħra tar-rimi tal-PCBs, PCBs użati u/jew apparat li jkun fih il-PCBs jistgħu jiġu aċċettati sakemm dawn jilħqu standards għas-sigurtà ambjentali ekwivalenti — meta mqabbla mal-ħruq — u jaderixxu t-talbiet tekniċi riferuti bħala l-aħjar teknika disponibbli.

3.  L-Istati Membri għandhom individwalment jew flimkien jieħdu l-passi meħtieġa biex jiżviluppaw, jekk hu xieraq, u jikkonsidraw l-Artikolu 4(3)(a) (ii) tar-Regolament (KEE) Nru 259/93/KEE ( 13 ) u l-Artikolu 5(1) tad-Direttiva Nru 75/442/KEE, l-istallazzjonijiet għar-rimi, t-tneħħija tal-kontaminazzjoni u l-ħażna sigura tal-PCBs, PCBs użati u/jew apparat li jkun fih il-PCBs.