+TITOLU I DISPOŻIZZJONIJIET ĠENERALI
---+Artikolu 1 Suġġett
---+Artikolu 2 Kamp ta’ applikazzjoni
------+Artikolu 2 1.
------+Artikolu 2 2.
------+Artikolu 2 3.
------+Artikolu 2 4.
------+Artikolu 2 5.
---+Artikolu 3 Definizzjonijiet

TITOLU I DISPOŻIZZJONIJIET ĠENERALI

TITOLU I DISPOŻIZZJONIJIET ĠENERALI

1. Ħarsa ġenerali

,
Artikolu 1 Suġġett

Artikolu 1

Suġġett

Dan ir-Regolament jistabbilixxi miżuri għall-ħarsien tal-ambjent u tas-saħħa tal-bniedem u miżuri li jikkontribwixxu għan-newtralità klimatika u għall-kisba ta’ ekonomija ċirkolari u tat-tniġġis żero billi jipprevjenu jew inaqqsu l-impatti avversi li jistgħu jirriżultaw minn vjeġġi ta’ skart u mit-trattament tal-iskart fid-destinazzjoni tiegħu. Jistabbilixxi proċeduri u reġimi ta’ kontroll għal vjeġġi ta’ skart, skont l-oriġini, id-destinazzjoni u r-rotta tal-vjeġġ, it-tip ta’ skart u t-tip ta’ trattament li jrid jiġi applikat fuq l-iskart fid-destinazzjoni tiegħu.
Artikolu 2 Kamp ta’ applikazzjoni
Artikolu 3 Definizzjonijiet

Artikolu 3

Definizzjonijiet

Għall-iskopijiet ta’ dan ir-Regolament, japplikaw id-definizzjonijiet li ġejjin:

(1) 

“taħlita ta’ skart” tfisser skart li jirriżulta minn taħlit intenzjonali jew mhux intenzjonali, ta’ żewġ tipi differenti jew aktar ta’ skart, li:

(a) 

huma elenkati f’entrati differenti fl-Annessi III, IIIA, IIIB u IV, jew, meta applikabbli, f’inċiżi jew f’subinċiżi differenti ta’ tali entrati; jew

(b) 

mhumiex klassifikati taħt entrata waħda unika fl-Anness III, IIIA, IIIB jew IV;

Skart ittrasportat fi vjeġġ wieħed ta’ skart, li jikkonsisti f’żewġ tipi jew aktar ta’ skart, fejn kull skart ikun separat, mhuwiex taħlita ta’ skart;

(2) 

“rimi interim” tfisser kwalunkwe operazzjoni ta’ rimi elenkata taħt D8, D9, D13, D14 jew D15 fl-Anness I tad-Direttiva 2008/98/KE;

(3) 

“rkupru interim” tfisser kwalunkwe operazzjoni ta’ rkupru elenkata taħt R12 jew R13 fl-Anness II tad-Direttiva 2008/98/KE;

(4) 

“ġestjoni li tħares l-ambjent” tfisser it-teħid tal-passi prattikabbli kollha biex jiġi żgurat li l-iskart jiġi mmaniġġjat b’mod li jħares is-saħħa tal-bniedem, il-klima u l-ambjent minn effetti avversi li jistgħu jirriżultaw minn tali skart;

(5) 

“destinatarju” tfisser kwalunkwe persuna fiżika jew ġuridika taħt il-ġuriżdizzjoni nazzjonali tal-pajjiż tad-destinazzjoni li lilha jew għaliha l-iskart jiġi ttrasportat għall-irkupru jew għar-rimi;

(6) 

“notifikatur” tfisser:

(a) 

fil-każ ta’ vjeġġ li joriġina minn Stat Membru, kwalunkwe waħda mill-persuni fiżiċi jew ġuridiċi li ġejjin taħt il-ġuriżdizzjoni nazzjonali ta’ dak l-Istat Membru, li twettaq jew li tippjana li twettaq vjeġġ ta’ skart kif imsemmi fl-Artikolu 4(1), (2) jew (3), jew li jkun twettqilha, jew li tippjana li jitwettqilha, tali vjeġġ, li lilha jiġi assenjat id-dmir li tinnotifika:

(i) 

il-produttur oriġinali tal-iskart;

(ii) 

il-produttur il-ġdid tal-iskart li jwettaq l-operazzjonijiet qabel vjeġġ li jirriżultaw f’bidla fin-natura jew fil-kompożizzjoni tal-iskart;

(iii) 

kollettur li, minn kwantitajiet żgħar varji tal-istess tip ta’ skart miġbur minn varjetà ta’ sorsi, ikun ħa ħsieb l-assemblaġġ tal-vjeġġ li jkun se jitlaq minn post wieħed notifikat;

(iv) 

negozjant jew sensar li jaġixxi f’isem kwalunkwe waħda mill-persuni msemmija fil-punti (i), (ii) jew (iii); jew

(v) 

meta l-persuni kollha msemmija fil-punti (i) sa (iv) ma jkunux magħrufa jew ikunu insolventi, id-detentur tal-iskart;

(b) 

fil-każ ta’ importazzjoni fl-Unjoni jew ta’ tranżitu tramite l-Unjoni ta’ skart li ma joriġinax minn Stat Membru, kwalunkwe persuna fiżika jew ġuridika minn dawn li ġejjin taħt il-ġuriżdizzjoni nazzjonali tal-pajjiż tad-dispaċċ li twettaq jew li tippjana li twettaq vjeġġ jew li li jkun twettqilha, jew li tippjana li jitwettqilha, vjeġġ:

(i) 

il-persuna ddeżinjata mil-liġi tal-pajjiż tad-dispaċċ;

(ii) 

fin-nuqqas ta’ persuna ddeżinjata mil-liġi tal-pajjiż tad-dispaċċ, id-detentur tal-iskart meta tkun seħħet l-esportazzjoni;

(7) 

“persuna li torganizza l-vjeġġ” tfisser kwalunkwe waħda mill-persuni fiżiċi jew ġuridiċi minn dawn li ġejjin taħt il-ġuriżdizzjoni nazzjonali tal-pajjiż tad-dispaċċ, li twettaq jew li tippjana li twettaq vjeġġ kif imsemmi fl-Artikolu 4(4) jew (5), jew li jkun twettqilha, jew tippjana li jitwettqilha, tali vjeġġ:

(i) 

il-produttur oriġinali tal-iskart;

(ii) 

il-produttur il-ġdid tal-iskart li jwettaq l-operazzjonijiet qabel il-vjeġġ li jirriżultaw f’bidla fin-natura jew fil-kompożizzjoni tal-iskart,

(iii) 

kollettur li, minn kwantitajiet żgħar varji tal-istess tip ta’ skart miġbur minn varjetà ta’ sorsi, ikun ħa ħsieb l-assemblaġġ tal-vjeġġ li se jitlaq minn post uniku;

(iv) 

negozjant jew sensar li jaġixxi f’isem kwalunkwe persuna minn dawk imsemmija fil-punti (i), (ii) jew (iii); jew

(v) 

meta l-persuni kollha msemmija fil-punti (i) sa (iv) ma jkunux magħrufa jew ikunu insolventi, id-detentur tal-iskart;

(8) 

“kollettur” tfisser kwalunkwe persuna fiżika jew ġuridika li twettaq ġbir ta’ skart kif definit fl-Artikolu 3, il-punt (10), tad-Direttiva 2008/98/KE;

(9) 

“awtorità kompetenti” tfisser:

(a) 

fil-każ ta’ Stat Membru, il-korp iddeżinjat mill-Istat Membru kkonċernat skont l-Artikolu 75;

(b) 

fil-każ ta’ pajjiż terz li jkun Parti għall-Konvenzjoni ta’ Basilea tat-22 ta’ Marzu 1989 dwar il-kontroll tal-moviment barra l-konfini ta’ skart perikoluż u r-rimi tiegħu (“il-Konvenzjoni ta’ Basilea”), il-korp iddeżinjat minn dak il-pajjiż bħala l-awtorità kompetenti għall-finijiet tal-Konvenzjoni ta’ Basilea f’konformità mal-Artikolu 5 tagħha;

(c) 

fil-każ ta’ kwalunkwe pajjiż mhux imsemmi jew fil-punt (a) jew fil-punt (b), il-korp li jkun ġie ddeżinjat bħala l-awtorità kompetenti mill-pajjiż jew mir-reġjun ikkonċernat jew, fin-nuqqas ta’ tali deżinjazzjoni, l-awtorità regolatorja għal dak il-pajjiż jew ir-reġjun, kif xieraq, li jkollha l-ġuriżdizzjoni fuq vjeġġ;

(10) 

“awtorità kompetenti tad-dispaċċ” tfisser l-awtorità kompetenti għaż-żona li minnha jinbeda l-vjeġġ jew li minnha jkun ippjanat li jinbeda l-vjeġġ;

(11) 

“awtorità kompetenti tad-destinazzjoni” tfisser l-awtorità kompetenti għaż-żona li lejha jitwettaq jew ikun ippjanat li jitwettaq il-vjeġġ jew li fiha jitgħabba l-iskart qabel l-irkupru jew ir-rimi f’żona li ma tkun taħt il-ġuriżdizzjoni nazzjonali ta’ ebda pajjiż;

(12) 

“awtorità kompetenti ta’ tranżitu” tfisser l-awtorità kompetenti għal kwalunkwe pajjiż, għajr il-pajjiż tal-awtorità kompetenti tad-dispaċċ u tal-awtorità kompetenti tad-destinazzjoni, li tramite tiegħu jitwettaq jew ikun ippjanat li jitwettaq il-vjeġġ;

(13) 

“pajjiż tad-dispaċċ” tfisser kwalunkwe pajjiż li minnu jinbeda jew ikun ippjanat li jinbeda vjeġġ;

(14) 

“pajjiż tad-destinazzjoni” tfisser kwalunkwe pajjiż li lejh jitwettaq jew ikun ippjanat li jitwettaq vjeġġ għall-irkupru jew għar-rimi fih, jew għall-fini ta’ tagħbien qabel l-irkupru jew ir-rimi f’żona li ma tkun taħt il-ġuriżdizzjoni nazzjonali ta’ ebda pajjiż;

(15) 

“pajjiż tat-tranżitu” tfisser kwalunkwe pajjiż, barra mill-pajjiż tad-dispaċċ jew tad-destinazzjoni, li tramite tiegħu jitwettaq jew ikun ippjanat li jitwettaq vjeġġ;

(16) 

“żona taħt il-ġuriżdizzjoni nazzjonali ta’ pajjiż” tfisser kwalunkwe art jew żona tal-baħar li fiha stat jeżerċita responsabbiltà amministrattiva u regolatorja f’konformità mad-dritt internazzjonali fir-rigward tal-ħarsien tas-saħħa tal-bniedem jew tal-ambjent;

(17) 

“pajjiżi u territorji ekstra-Ewropej” tfisser il-pajjiżi u territorji ekstra-Ewropej kif elenkati fl-Anness II tat-TFUE;

(18) 

“uffiċċju doganali tal-esportazzjoni” tfisser uffiċċju doganali tal-esportazzjoni kif definit fl-Artikolu 1, il-punt (16), tar-Regolament Delegat tal-Kummissjoni (UE) 2015/2446 ( 7 );

(19) 

“uffiċċju doganali tal-ħruġ” tfisser uffiċċju doganali tal-ħruġ kif iddeterminat f’konformità mal-Artikolu 329 tar-Regolament ta’ Implimentazzjoni tal-Kummissjoni (UE) 2015/2447 ( 8 );

(20) 

“uffiċċju doganali tad-dħul” tfisser l-uffiċċju doganali tal-ewwel dħul kif definit fl-Artikolu 1, il-punt (15), tar-Regolament Delegat tal-Kummissjoni (UE) 2015/2446;

(21) 

“importazzjoni” tfisser kwalunkwe dħul ta’ skart fl-Unjoni iżda teskludi t-tranżitu tramite l-Unjoni;

(22) 

“esportazzjoni” tfisser kwalunkwe ħruġ ta’ skart mill-Unjoni iżda teskludi t-tranżitu tramite l-Unjoni;

(23) 

“tranżitu” tfisser vjeġġ tramite pajjiż wieħed jew aktar, għajr il-pajjiż tad-dispaċċ jew tad-destinazzjoni;

(24) 

“trasport ta’ skart” tfisser il-ġarr ta’ skart bit-triq, bil-ferrovija, bl-ajru, bil-baħar jew mill-passaġġi fuq l-ilma interni;

(25) 

“vjeġġ” tfisser trasport ta’ skart destinat għall-irkupru jew għar-rimi mill-post li minnu jibda t-trasport sa ma l-iskart jiġi riċevut mill-faċilità li twettaq ir-rimi jew l-irkupru fil-pajjiż tad-destinazzjoni u li jitwettaq jew li jkun ippjanat li jitwettaq:

(a) 

bejn pajjiż u pajjiż ieħor;

(b) 

bejn pajjiż u pajjiż jew territorju ekstra-Ewropew jew żona oħra taħt il-protezzjoni ta’ dak il-pajjiż;

(c) 

bejn pajjiż u kwalunkwe żona ġeografika li ma tagħmel parti minn ebda pajjiż taħt id-dritt internazzjonali;

(d) 

bejn pajjiż u l-Antartiku;

(e) 

minn pajjiż wieħed tramite kwalunkwe żona minn dawk imsemmija fil-punti (a) sa (d);

(f) 

f’pajjiż tramite kwalunkwe żona minn dawk imsemmija fil-punti (a) sa (d) u li joriġina minn dak l-istess pajjiż u jispiċċa fih; jew

(g) 

minn żona ġeografika li ma tkun taħt il-ġuriżdizzjoni nazzjonali ta’ ebda pajjiż, lejn pajjiż;

(26) 

“vjeġġ illegali” tfisser kwalunkwe vjeġġ li jkun twettaq:

(a) 

mingħajr notifika lill-awtoritajiet kompetenti kkonċernati skont dan ir-Regolament;

(b) 

mingħajr il-kunsens tal-awtoritajiet kompetenti kkonċernati skont dan ir-Regolament;

(c) 

bil-kunsens miksub mill-awtoritajiet kompetenti kkonċernati skont dan ir-Regolament permezz ta’ falsifikazzjoni, dikjarazzjoni falza jew frodi;

(d) 

b’mod li mhuwiex f’konformità mal-informazzjoni fid-dokument ta’ notifika jew fid-dokument ta’ moviment jew li jrid jiġi pprovdut fih, għajr f’każ ta’ żbalji klerikali minuri fin-notifika jew fid-dokument ta’ moviment;

(e) 

b’mod li jirriżulta f’irkupru jew f’rimi b’kontravenzjoni tad-dritt tal-Unjoni jew dak internazzjonali;

(f) 

kuntrarjament għall-Artikolu 4(1), l-Artikolu 4(3), jew l-Artikolu 37, 39, 40, 45, 46, 48, 49, 50 jew 52;

(g) 

b’mod li, b’rabta ma’ vjeġġi ta’ skart kif imsemmija fl-Artikolu 4(4) u (5), ma jkunx f’konformità mar-rekwiżiti msemmija fl-Artikolu 18, il-paragrafi 2, 4, 6 u 10, jew mal-informazzjoni li tinsab jew li trid tiġi pprovduta fid-dokument tal-Anness VII, għajr fil-każ ta’ żbalji klerikali minuri fid-dokument tal-Anness VII;

(27) 

“spezzjoni” tfisser kwalunkwe azzjoni li titwettaq minn awtorità biex tivverifika l-konformità mar-rekwiżiti stabbiliti f’dan ir-Regolament;

(28) 

“ġerarkija tal-iskart” tfisser il-ġerarkija tal-iskart imsemmija fl-Artikolu 4 tad-Direttiva 2008/98/KE;

(29) 

“rotta magħżula” tfisser il-punt tal-ħruġ minn kull pajjiż ikkonċernat u l-punt tad-dħul fih, inklużi l-uffiċċji doganali tad-dħul, tal-ħruġ u tal-esportazzjoni;

(30) 

“rotta” tfisser l-itinerarju bejn il-post fejn jibda l-vjeġġ fil-pajjiż tad-dispaċċ, tramite l-punt tal-ħruġ minn kull pajjiż ikkonċernat u l-punt tad-dħul fih, lejn il-faċilità tat-trattament fil-pajjiż tad-destinazzjoni.

Barra minn hekk, għandhom japplikaw id-definizzjonijiet ta’ “skart”, “skart perikoluż”, “produttur tal-iskart”, “detentur tal-iskart”, “negozjant”, “sensar”, “immaniġġjar tal-iskart”, “użu mill-ġdid”, “trattament”, “rkupru”, “preparazzjoni għall-użu mill-ġdid”, “riċiklaġġ” u “rimi”, stabbiliti fl-Artikolu 3, il-punti (1), (2), (5), (9), (13), (15), (16), (17) u (19) tad-Direttiva 2008/98/KE, rispettivament.

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards
  • Builddate: 30.07.2026 00:00:00 -Doknr: CELEX:32024R1157
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.