+Artikolu 73 Rapportar
---+Artikolu 73 1.
---+Artikolu 73 2.
---+Artikolu 73 3.
---+Artikolu 73 4.
---+Artikolu 73 5.
|
Artikolu 73 Rapportar
1. Ħarsa ġenerali
| Titlu |
Regolamentazzjoni |
|
Artikolu 73 1.
|
Qabel it-tmiem ta’ kull sena kalendarja, kull Stat Membru għandu jissottometti lill-Kummissjoni kopja tar-rapport li jkun fassal u ssottometta lis-Segretarjat ta’ dik il-Konvenzjoni għas-sena kalendarja preċedenti f’konformità mal-Artikolu 13(3) tal-Konvenzjoni ta’ Basilea.
|
|
Artikolu 73 2.
|
Qabel it-tmiem ta’ kull sena kalendarja, l-Istati Membri għandhom ifasslu wkoll rapport għas-sena kalendarja preċedenti, ibbażat fuq il-kwestjonarju ta’ rapportar addizzjonali fl-Anness XI, u jissottomettuh lill-Kummissjoni. Fi żmien xahar mis-sottomissjoni ta’ dak ir-rapport lill-Kummissjoni, l-Istati Membri għandhom jagħmlu t-taqsima ta’ dak ir-rapport relatata mal-Artikoli 25, 60(1) u 63(1), inkluż it-Tabella 7 tal-Anness XI, disponibbli pubblikament, elettronikament permezz tal-Internet, flimkien ma’ kwalunkwe spjegazzjoni li l-Istati Membri jqisu li tkun xierqa, u jinformaw lill-Kummissjoni dwar il-hyperlinks relatati. Il-Kummissjoni għandha tiġbor lista tal-hyperlinks tal-Istati Membri u tagħmilha disponibbli għall-pubbliku fuq is-sit web tagħha.
|
|
Artikolu 73 3.
|
Ir-rapporti mfassla mill-Istati Membri f’konformità mal-paragrafi 1 u 2 għandhom jiġu sottomessi lill-Kummissjoni elettronikament.
|
|
Artikolu 73 4.
|
Il-Kummissjoni għandha tirrieżamina d-data rrapportata f’konformità ma’ dan l-Artikolu u għandha tippubblika rapport bir-riżultati tar-rieżami tagħha. Barra minn hekk, il-Kummissjoni għandha tindirizza f’dak ir-rapport l-elementi li ġejjin:
(a)
ix-xejriet fil-vjeġġi illegali u l-aħjar prattiki biex jiġu indirizzati tali vjeġġi, filwaqt li jitqiesu r-rakkomandazzjonijiet magħmula mill-grupp ta’ infurzar tal-vjeġġi ta’ skart imsemmi fl-Artikolu 66;
(b)
l-effiċjenza tal-proċedura ta’ notifika u ta’ kunsens bil-miktub minn qabel stabbilita fil-Kapitolu 1 tat-Titolu II, u b’mod partikolari l-iskedi ta’ żmien relatati fost l-oħrajn billi jiġu analizzati elementi bħan-numru ta’ oġġezzjonijiet u kunsensi, u ż-żmien bejn is-sottomissjoni ta’ notifika u d-deċiżjoni meħuda dwarha, abbażi ta’ data maħżuna fis-sistema msemmija fl-Artikolu 27;
(c)
il-kontribut ta’ dan ir-Regolament għan-newtralità klimatika, il-kisba ta’ ekonomija ċirkolari u tniġġis żero, filwaqt li jitqiesu r-rapporti u d-data ppubblikati mill-aġenziji rilevanti tal-Unjoni.
L-Aġenzija Ewropea għall-Ambjent għandha tappoġġa lill-Kummissjoni fil-kompitu tal-monitoraġġ tal-implimentazzjoni ta’ dan ir-Regolament, billi, fejn ikun xieraq, tfassal rapporti li jipprovdu analiżi tal-vjeġġi ta’ flussi ta’ skart speċifiċi, u l-impatti ambjentali tagħhom. Ir-rapport imsemmi fl-ewwel subparagrafu għandu jitfassal għall-ewwel darba sal-31 ta’ Diċembru 2029 u kull tliet snin minn hemm ’il quddiem.
|
|
Artikolu 73 5.
|
Wara l-21 ta’ Mejju 2029, il-Kummissjoni għandha tfassal rapport li jivvaluta jekk l-implimentazzjoni tad-dispożizzjonijiet li jinsabu fl-Artikoli 39 sa 46 żguratx il-ġestjoni li tħares l-ambjent tal-iskart tal-plastik, kemm fl-UE kif ukoll fil-pajjiżi fejn tali skart ġie esportat mill-Unjoni, kif ukoll jekk seħħewx effetti negattivi sinifikanti fuq it-trattament tal-i
►C1
skart fil-livell nazzjonali ◄ fil-pajjiżi importaturi. Għandha tqis l-informazzjoni u l-elementi pprovduti mill-Istati Membri involuti fl-esportazzjoni tal-iskart tal-plastik, mill-awtoritajiet kompetenti tal-pajjiżi tal-importazzjoni, kif ukoll mill-operaturi ekonomiċi u mill-organizzazzjonijiet tas-soċjetà ċivili. Ir-rapport għandu jipprovdi wkoll informazzjoni dwar l-evoluzzjoni tal-kapaċità tal-operaturi tal-iskart fl-Unjoni li jimmaniġġjaw l-iskart tal-plastik iġġenerat fl-Istati Membri u importat fl-Unjoni b’mod li jħares l-ambjent. Ir-rapport għandu jivvaluta wkoll jekk id-dispożizzjonijiet dwar il-vjeġġi tal-iskart bejn l-Istati Membri kkontribwewx għat-titjib tal-immaniġġjar tal-iskart tal-plastik, speċjalment billi jħares lejn il-klassifikazzjoni tal-iskart tal-plastik taħt l-entrata EU3011. Dan ir-rapport għandu jkun akkumpanjat, jekk xieraq, minn proposta leġiżlattiva biex dan ir-Regolament jiġi emendat, li tista’ tinkludi kundizzjonijiet aktar stretti dwar l-esportazzjoni tal-iskart tal-plastik lejn pajjiżi terzi, inklużi projbizzjonijiet tal-esportazzjoni.
|
,
1.1 Referenzi
1.2 Rekwiżiti identifikati
1.3 Standards relatati
2. Rekwiżiti identifikati
3. Standards relatati
- Builddate: 30.07.2026 00:00:00 -Doknr: CELEX:32024R1157
- EULAW -
EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.
DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.
|