Artikolu 159a
Nuqqas ta' applikazzjoni tal-minimi tal-input tal-PD, tal-LGD u tas-CCF
Għall-finijiet tal-Kapitolu 3, u b'mod partikolari fir-rigward tal-Artikoli 160(1), 161(4), 164(4) u 166(8c), meta skopertura tkun koperta permezz ta' garanzija eliġibbli pprovduta minn gvern ċentrali jew bank ċentrali jew mill-BĊE, il-minimi tal-input tal-PD, tal-LGD u tas-CCF m'għandhomx japplikaw għall-parti tal-iskopertura koperta permezz ta' dik il-garanzija. Madankollu, il-parti tal-iskopertura li ma tkunx koperta permezz ta' dik il-garanzija għandha tkun soġġetta għall-minimi tal-input tal-PD, tal-LGD u tas-CCF ikkonċernati.