+Artikolu 445a Divulgazzjoni tar-riskju ta' CVA
---+Artikolu 445a 1.
---+Artikolu 445a 2.
---+Artikolu 445a 3.

Artikolu 445a Divulgazzjoni tar-riskju ta' CVA

-

1. Ħarsa ġenerali

,
Artikolu 445a 1.

L-istituzzjonijiet soġġetti għar-rekwiżiti ta' fondi proprji għar-riskju ta' CVA għandhom jiddivulgaw l-informazzjoni li ġejja:

(a) 

stampa ġenerali tal-proċessi tagħhom biex jidentifikaw, ikejlu, jiħħeġġjaw u jimmonitorjaw ir-riskju ta' CVA tagħhom;

(b) 

jekk l-istituzzjonijiet jissodisfawx il-kundizzjonijiet kollha stabbiliti fl-Artikolu 273a(2); meta jkunu ssodisfati dawk il-kundizzjonijiet, jekk l-istituzzjonijiet ikunux għażlu li jikkalkulaw ir-rekwiżiti ta' fondi proprji għar-riskju ta' CVA bl-użu tal-approċċ simplifikat stabbilit fl-Artikolu 385; meta l-istituzzjonijiet ikunu għażlu li jikkalkulaw ir-rekwiżiti ta' fondi proprji għar-riskju ta' CVA bl-użu tal-approċċ simplifikat, ir-rekwiżiti ta' fondi proprji għar-riskju ta' CVA f'konformità ma' dak l-approċċ;

(c) 

in-numru totali ta' kontropartijiet li għalihom jintuża l-approċċ standardizzat, b'diżaggregazzjoni skont it-tipi ta' kontropartijiet.
Artikolu 445a 2.

Istituzzjonijiet li jużaw l-approċċ standardizzat stabbilit fl-Artikolu 383 biex jikkalkulaw ir-rekwiżiti ta' fondi proprji għar-riskju ta' CVA għandhom jiddivulgaw, minbarra l-informazzjoni msemmija fil-paragrafu 1 ta' dan l-Artikolu, l-informazzjoni li ġejja:

(a) 

l-istruttura u l-organizzazzjoni tal-funzjoni u l-governanza interni tagħhom għall-ġestjoni tar-riskju ta' CVA;

(b) 

ir-rekwiżiti ta' fondi proprji totali tagħhom għar-riskju ta' CVA skont l-approċċ standardizzat b'diżaggregazzjoni skont il-klassi tar-riskju;

(c) 

stampa ġenerali tal-ħeġġijiet eliġibbli użati f'dak il-kalkolu, b'diżaggregazzjoni skont it-tip ta' strumenti stabbiliti fl-Artikolu 386(2).
Artikolu 445a 3.

L-istituzzjonijiet li jużaw l-approċċ bażiku stabbilit fl-Artikolu 384 biex jikkalkulaw ir-rekwiżiti ta' fondi proprji għar-riskju ta' CVA għandhom jiddivulgaw, minbarra l-informazzjoni msemmija fil-paragrafu 1 ta' dan l-Artikolu, l-informazzjoni li ġejja:

(a) 

ir-rekwiżiti ta' fondi proprji totali tagħhom għar-riskju ta' CVA skont l-approċċ bażiku, u l-komponenti BACVAtotal u BACVAcsr-hedged ;

(b) 

stampa ġenerali tal-ħeġġijiet eliġibbli użati f'dak il-kalkolu, b'diżaggregazzjoni skont it-tip ta' strumenti stabbiliti fl-Artikolu 386(3).

1.1 Referenzi

1.2 Rekwiżiti identifikati

1.3 Standards relatati

2. Rekwiżiti identifikati

Rekwiżiti

3. Standards relatati

Standards