Artikolu 514 Metodu għall-kalkolu tal-valur ta' skopertura ta' tranżazzjonijiet derivattivi

L-ABE għandha, sat-28 ta' Ġunju 2023, tirrapporta lill-Kummissjoni dwar l-impatt u l-kalibrazzjoni relattiva tal-approċċi stipulati fit-Taqsimiet 3, 4 u 5 tal-Kapitolu 6 tat-Titolu II tal-Parti Tlieta biex jikkalkulaw il-valuri ta' skopertura ta' tranżazzjonijiet tad-derivattivi.

Abbażi tar-rapport tal-EBA msemmi fil-paragrafu 1 u filwaqt li titqies kif xieraq l-implimentazzjoni f'pajjiżi terzi tal-istandards miftiehma internazzjonalment żviluppati mill-BCBS, il-Kummissjoni għandha, fejn xieraq, tippreżenta proposta leġiżlattiva lill-Parlament Ewropew u lill-Kunsill biex temenda l-approċċi stabbiliti fil-Parti Tlieta, it-Titolu II, il-Kapitolu 6, it-Taqsimiet 3, 4 u 5.