Artikolu 10 Fażi tal-ittestjar: Intelligence dwar it-theddid

1.   Wara l-approvazzjoni tad-dokument tal-ispeċifikazzjoni tal-ambitu mill-awtorità tat-TLPT, il-fornitur tal-intelligence dwar it-theddid għandu janalizza intelligence dwar it-theddid ġenerika u speċifika għas-settur li tkun rilevanti għall-entità finanzjarja. Meta jkun ġie pprovdut xenarju ta’ theddid ġeneriku mill-awtorità tat-TLPT għas-settur finanzjarju ta’ Stat Membru, il-fornitur tal-intelligence dwar it-theddid jista’ juża dak ix-xenarju bħala linja bażi għax-xenarju ta’ theddid nazzjonali. Il-fornitur tal-intelligence dwar it-theddid għandu jidentifika t-theddid ċibernetiku u l-vulnerabbiltajiet eżistenti jew potenzjali li jikkonċernaw l-entità finanzjarja. Barra minn hekk, il-fornitur tal-intelligence dwar it-theddid għandu jiġbor informazzjoni fuq l-intelligence dwar il-mira u dwar it-theddid konkreta, azzjonabbli u f’kuntest li tikkonċerna lill-entità finanzjarja u janalizzaha, anki permezz ta’ konsultazzjoni mat-tim ta’ kontroll u mal-maniġers tat-testijiet.

2.   Il-fornitur tal-intelligence dwar it-theddid għandu jippreżenta t-theddid rilevanti u l-intelligence dwar it-theddid immirat, u jipproponi x-xenarji meħtieġa lit-tim ta’ kontroll, lit-testers u lill-maniġers tat-testijiet. Ix-xenarji proposti għandhom ivarjaw b’referenza għall-atturi ta’ theddid identifikati u t-tattiki, it-tekniki u l-proċeduri assoċjati u għandhom jimmiraw lejn kull funzjoni kritika jew importanti fl-ambitu tat-TLPT.

3.   Il-kap tat-tim ta’ kontroll għandu jagħżel mill-anqas tliet xenarji biex jagħmel it-TLPT abbażi tal-elementi kollha li ġejjin:

4.   Mhux aktar minn wieħed mix-xenarji magħżula jista’ ma jkunx ibbażat fuq it-theddid u jista’ jkun ibbażat fuq theddida li tħares ’il quddiem u li tkun potenzjalment fittizja b’valur ta’ previżjoni, antiċipattiv, opportunistiku, jew prospettiv għoli fid-dawl tal-iżviluppi antiċipati tax-xenarju ta’ theddid li jikkonċerna l-entità finanzjarja.

Għat-TLPTs aggregati, mingħajr preġudizzju għax-xenarji li jimmiraw direttament lejn il-funzjonijiet kritiċi jew importanti tal-entitajiet finanzjarji involuti fl-ittestjar, tal-anqas xenarju wieħed għandu jinkludi s-sistemi, il-proċessi, u t-teknoloġiji tal-ICT sottostanti rilevanti tal-fornitur terz ta’ servizzi tal-ICT li jappoġġjaw il-funzjonijiet kritiċi jew importanti tal-entitajiet finanzjarji li huma fl-ambitu.

Meta test ikun TLPT konġunt li jinvolvi fornitur intragrupp ta’ servizzi tal-ICT, mingħajr preġudizzju għax-xenarji li jimmiraw direttament lejn il-funzjonijiet kritiċi jew importanti tal-entitajiet finanzjarji involuti fit-test, tal-anqas xenarju wieħed għandu jinkludi s-sistemi, il-proċessi, u t-teknoloġiji tal-ICT sottostanti rilevanti tal-fornitur intragrupp ta’ servizzi tal-ICT li jappoġġjaw il-funzjonijiet kritiċi jew importanti tal-entitajiet finanzjarji li huma fl-ambitu.

5.   Il-fornitur tal-intelligence dwar it-theddid għandu jipprovdi r-rapport tal-intelligence dwar it-theddid immirat lit-tim ta’ kontroll, inklużi x-xenarji magħżula f’konformità mal-paragrafi 3 u 4. Ir-rapport tal-intelligence dwar it-theddid għandu jkun fih l-informazzjoni stabbilita fl-Anness III.

6.   It-tim ta’ kontroll għandu jippreżenta r-rapport tal-intelligence dwar it-theddid immirat lill-maniġer tat-testijiet għall-approvazzjoni. Meta r-rapport tal-intelligence dwar it-theddid immirat ikun komplut u jiżgura t-twettiq ta’ TLPT effettiv, l-awtorità tat-TLPT għandha tapprova r-rapport tal-intelligence dwar it-theddid immirat u tinforma lill-kap tat-tim ta’ kontroll b’dan.