Artikolu 4 Użu ta’ kanali elettroniċi siguri

1.   L-entitajiet finanzjarji għandhom jużaw kanali elettroniċi siguri kif magħmula disponibbli mill-awtoritajiet kompetenti tagħhom biex jippreżentaw in-notifika inizjali u r-rapport intermedju u dak finali.

2.   L-entitajiet finanzjarji li ma jkunux jistgħu jużaw il-kanali elettroniċi siguri kif magħmula disponibbli mill-awtorità kompetenti tagħhom għandhom jinfurmaw lill-awtorità kompetenti tagħhom dwar inċident kbir relatat mal-ICT permezz ta’ mezz sigur ieħor bi qbil mal-awtorità kompetenti. Jekk meħtieġ mill-awtorità kompetenti, l-entitajiet finanzjarji għandhom jippreżentaw mill-ġdid in-notifika inizjali, jew ir-rapport intermedju jew finali, permezz tal-kanal elettroniku sigur kif magħmul disponibbli mill-awtorità kompetenti tagħhom ladarba jkunu jistgħu jagħmlu dan.