Artikolu 70 Evalwazzjoni u rieżami

Sal-11 ta’ Diċembru 2030 u kull erba’ snin wara dan, il-Kummissjoni għandha tippreżenta rapport dwar l-evalwazzjoni u r-rieżami ta’ dan ir-Regolament lill-Parlament Ewropew u lill-Kunsill. Dawk ir-rapporti għandhom ikunu pubbliċi.

Sal-11 ta’ Settembru 2028, il-Kummissjoni għandha, wara konsultazzjoni mal-ENISA u man-network tas-CSIRTs, tippreżenta rapport lill-Parlament Ewropew u lill-Kunsill, li jivvaluta l-effettività tal-pjattaforma unika ta’ rapportar stabbilita fl-Artikolu 16, kif ukoll l-impatt tal-applikazzjoni tar-raġunijiet relatati maċ-ċibersigurtà msemmija fl-Artikolu 16(2) mis-CSIRTs maħtura bħala koordinaturi dwar l-effettività tal-pjattaforma unika ta’ rapportar fir-rigward tad-disseminazzjoni f’waqtha ta’ notifiki riċevuti lil CSIRTs rilevanti oħra.